കൊച്ചി: കൊച്ചി റീജിയണൽ പി.എഫ് കമ്മിഷണർ പെൻഷൻ അദാലത്തും പി.എഫ് പരാതിപരിഹാരക്യാമ്പും (പി.എഫ് നിങ്ങളുടെ അരികെ) മാർച്ച് 10ന് ഓൺലൈനായി നടക്കും. പങ്കെടുക്കേണ്ടവർ അവരുടെ യു.എ.എൻ, പി.എഫ് അക്കൗണ്ട് നമ്പർ/പി.പി.ഒ നമ്പർ, മൊബൈൽ നമ്പർ, ആധാർനമ്പർ, ഇമെയിൽ വിലാസം, പരാതി വിശദാംശങ്ങൾ എന്നിവ സഹിതം 28ന് മുമ്പ് pro.pfkochi@gmail.com എന്ന വിലാസത്തിൽ അയയ്ക്കണം. ഇമെയിൽ അയക്കുമ്പോൾ വിഷയത്തിൽ പെൻഷൻ അദാലത്ത് അല്ലെങ്കിൽ 'പി.എഫ് നിങ്ങളുടെ അരികെ' എന്ന് പരാമർശിക്കണം.