മൂവാറ്റുപുഴ: ഡീൻ കുര്യാക്കോസ് എം.പിയുടെ റൈസ് പദ്ധതിയുടെ ഭാഗമായി വിദ്യാർത്ഥികൾക്കായി സൗജന്യ സിവിൽ സർവീസ് പരിശീലന പദ്ധതിക്ക് ഓൺലൈൻ രജിസ്ട്രേഷൻ മാർച്ച് 5 വരെ നീട്ടിയതായി എം.പി.യുടെ ഓഫീസ് അറിയിച്ചു.

ഇടുക്കി പാർലമെന്റ് മണ്ഡലത്തിലുള്ള എട്ടാംക്ലാസ് മുതൽ ബിരുദാനന്തര ബിരുദം വരെയുള്ള എല്ലാ വിഭാഗം വിദ്യാർത്ഥികളെയും ഉൾപ്പെടുത്തി സൗജന്യമായാണ്. ന്യൂഡൽഹി കേന്ദ്രമായി പ്രവർത്തിക്കുന്ന സിവിൽ സർവീസ് പരീക്ഷാ പരിശീലന സ്ഥാപനമായ എ.എൽ.എസും സ്പാർക്ക് കേരളയുമാണ് പരിശീലനത്തിന് വേണ്ട അക്കാഡമിക് സപ്പോർട്ട് നൽകുന്നതെന്ന് എം.പി പറഞ്ഞു. ഇതിൽ പങ്കെടുക്കാനാഗ്രഹിക്കുന്ന വിദ്യാർത്ഥികൾ ഇതൊടൊപ്പമുള്ള ഗൂഗിൾ ഫോം ലിങ്ക് വഴി രജിസ്ടർ ചെയ്യേണ്ടതാണെന്ന് എം.പി. അറിയിച്ചു. ഓൺ ലൈൻ രജിസ്ട്രേഷൻ ലിങ്ക് : https://forms.gle/rq48DspPwkQhhJjj6. സംശയങ്ങൾക്ക് എം.പി. ഓഫീസുമായി ബന്ധപ്പെടാവുന്നതാണ് : ഫോൺ നമ്പർ: 04862 222266, 04862 236266.