അങ്കമാലി: മൂക്കന്നൂർ വിജ്ഞാനമിത്ര സംവാദവേദിയുടെ നേതൃത്വത്തിൽ പ്രതിവാരസംവാദം ഇന്ന് വൈകിട്ട് 6ന് മൂക്കന്നൂർ മർച്ചന്റ്‌സ് അസോസിയേഷൻ ഹാളിൽ നടക്കും. ഗ്രാമപഞ്ചായത്ത് പ്രസിഡന്റ് പോൾ പി. ജോസഫ് ഉദ്ഘാടനം ചെയ്യും. മർച്ചന്റ്‌സ് അസോസിയേഷൻ പ്രസിഡന്റ് പോൾ പി. കുര്യൻ അദ്ധ്യക്ഷത വഹിക്കും. കൊറോണ നൽകുന്ന അതിജീവനത്തിന്റെ പാഠങ്ങൾ എന്ന വിഷയത്തിൽ ഡോ. സുരേഷ് മൂക്കന്നൂർ മുഖ്യപ്രഭാഷണം നടത്തും. നൂറ്റിമൂന്നാമത്തെ സംവാദമാണ് നടക്കുന്നതെന്ന് വിജ്ഞാനമിത്ര സംവാദവേദി പ്രസിഡന്റ് ടി. എം. വർഗീസ്, സെക്രട്ടറി പി. ഡി. ജോർജ് എന്നിവർ പറഞ്ഞു.