കുട്ടമ്പുഴ : അന്യംനിന്ന് പോയിക്കൊണ്ടിരിക്കുന്ന ആദിവാസി ഗോത്രകലകളെ പരിപോഷിപ്പിക്കുന്നതിന് വേണ്ടി കുട്ടമ്പുഴ ഗ്രാമപഞ്ചായത്തിന്റെ നേതൃത്വത്തിൽ 'ഊരാട്ടം' എന്ന പേരിൽ ഗോത്രകലകളുടെ സംഗമം നടത്തി. കുട്ടമ്പുഴ ടൗൺ ഹാളിൽനടന്ന പരിപാടി ഡീൻ കുര്യാക്കോസ് എം.പി ഉദ്ഘാടനം ചെയ്തു.

പഞ്ചായത്തിലെ 15 ആദിവാസി ഊരുകളിൽനിന്ന് കാണിക്കാരുടേയും ഊരുമൂപ്പൻമാരുടേയും നേതൃത്വത്തിൽ തനത് വേഷഭൂഷാദികളോടെ എത്തിയവർ വിവിധ കലാരൂപങ്ങൾ അവതരിപ്പിച്ചു. സ്ത്രീകളുടെ കുമ്മിയടി, വേടൻ കളി, മന്നാൻ കുത്ത് പാട്ട്, തെന്നഞ്ചിപിടി തുടങ്ങിയ ഏഴോളം ഇനം തനത് കലകൾ വിവിധ ആദിവാസി ഊരുകാർ അവതരിപ്പിച്ചു. പഞ്ചായത്ത് പ്രസിഡന്റ് കാന്തി വെള്ളക്കയ്യൻ, വൈസ് പ്രസിഡന്റ് ബിൻസി മോഹൻ, ബ്ലോക്ക് പഞ്ചായത്ത് പ്രസിഡന്റ് പി എ എം ബഷീർ, പഞ്ചായത്ത് ആര്യോഗ്യ വിദ്യാഭ്യാസ സ്ഥിരംസമിതി അദ്ധ്യക്ഷൻ ജെയിംസ് കോറബേൽ , ഗ്രാമപഞ്ചായത്ത് വികസന സ്ഥിരംസമിതി അദ്ധ്യക്ഷൻ സിബി.കെ.എ, ആരോഗ്യവിദ്യാഭ്യാസ സ്ഥിരം സമിതി ചെയർമാൻ ഇ.സി.റോയി, ബ്ലോക്ക് പഞ്ചായത്ത് മെമ്പർ കെ.കെ.ഗോപി, പഞ്ചായത്ത് അംഗങ്ങളായ രേഖ രാജു, എൽദോസ് ബേബി, ഗോപി ബദറൻ, ഡെയ്സി ജോയി, സൽമ പരിത്, ശ്രീജ ബിജു, ബിനേഷ് നാരായണൻ, ഷീല രാജീവ്, ആലീസ് സിബി, , ട്രൈബൽ എക്‌സ്റ്റെൻഷൻ ഓഫീസർ രാജീവ്.പി, കാണിക്കാരായ അല്ലി കൊച്ചലങ്കാരം, രാജു മണി, കണ്ണൻ മണി , ഊരുമൂപ്പൻമാരായ കുട്ടൻ ഗോപാലൻ, മൈക്കിൾ എന്നിവർ സംസാരിച്ചു.