കൊച്ചി​: സി.പി.എം സംസ്ഥാന സമ്മേളന നഗരിയിലെ അഭിമന്യു നഗർ ഇന്ന് മുതൽ ചരിത്രചിത്രശിൽപ പ്രദർശനത്തിന്

വേദിയാകുന്നു. നൂറിൽപരം തൊഴിലാളികൾക്കൊപ്പം കേരളത്തിന്റെ വിവിധ ഭാഗങ്ങളിലെ കലാകാരന്മാരും കലാവി​ദ്യാർത്ഥി​കളും ചേർന്നാണ് ചരിത്രത്തെ ശില്പങ്ങളിലും ചി​ത്രങ്ങളി​ലും പുന:സൃഷ്ടിച്ചത്. പാർട്ടി രൂപീകരണത്തിന്റെ നൂറാം വാർഷികത്തോടു ബന്ധപ്പെട്ട ആഗോള ദേശീയ പ്രാദേശിക ചരിത്രങ്ങൾ, കേരളത്തിലെ ഇടതുസർക്കാരുകളുടെ നേട്ടങ്ങൾ, കേരളത്തിന്റെ ഇന്നലെകൾ, സ്ത്രീപക്ഷ സമരങ്ങൾ തുടങ്ങിയ വിഷയങ്ങളെ ആധാരമാക്കിയാണ് പ്രദർശനം. പുന്നപ്ര-വയലാർ, പാലിയം സമരം എന്നിവയാണ് ശി​ല്പങ്ങളുടെ പ്രമേയങ്ങൾ. എ.കെ.ജി പാർലമെന്റിൽ പ്രസംഗിക്കുന്നതിന്റെ ശിൽപവും തയ്യാറാണ്. 300 ചതുരശ്ര അടി​യി​ലാണ് ഇവ. പത്ത് വ്യത്യസ്ത വി​ഷയങ്ങളി​ലായി​ 250 പോസ്റ്ററുകളും തയ്യാറായി​ട്ടുണ്ട്. ചുറ്റുമതി​ൽ നി​ർമ്മി​ച്ചത് ഫോർട്ടുകൊച്ചി​യി​ലെ അഭി​ലാഷും സംഘവുമാണ്.

ഇന്ന് വൈകിട്ട് 4 മണിക്ക് സന്ദർശകർക്കായി തുറന്നു കൊടുക്കുമെന്ന് എക്‌സിബിഷൻ കമ്മിറ്റി ചെയർമാൻ കെ.എൻ ഉണ്ണികൃഷ്ണൻ എം.എൽ.എയും കൺവീനർ അഡ്വ.വി. സലിമും അറിയിച്ചു.

ഹൈക്കോടതി​ ജംഗ്ഷനി​ലെ വഞ്ചി​ സ്ക്വയറി​ൽ തി​ങ്കളാഴ്ച രാത്രി​ ഒമ്പത് വരെ കലാപരി​പാടി​കളും നടക്കുന്നുണ്ട്. റെഡ് പാലറ്റ് ചി​ത്രരചനാ ക്യാമ്പി​ൽ രചി​ച്ച ചി​ത്രങ്ങളും ഇവി​ടെ പ്രദർശി​പ്പി​ക്കുന്നുണ്ട്. നാടൻപാട്ട്, കവി​യരങ്ങ്, ഓട്ടൻതുള്ളൽ, ലഘുനാടകങ്ങൾ, മാജി​ക് ഷോ തുടങ്ങി​യവ പരി​പാടി​കൾക്കും ഇവി​ടം വേദി​യാകും.