മരട്: മരടിന്റെ സമഗ്ര വികസനത്തിന് തുടക്കം കുറിച്ച ആദ്യകാല കമ്മ്യൂണിസ്റ്റ് നേതാവും മുൻ പഞ്ചായത്ത് പ്രസിഡന്റുമായിരുന്ന ടി.കെ. ഷൺമാതുരന്റെ 14-ാമത് അനുസ്മരണ സമ്മേളനം നടത്തി. ടി.കെ. ഷൺമാതുരൻ മെമ്മോറിയൽ ട്രസ്റ്റിന്റെ ആഭിമുഖ്യത്തിൽ നടത്തിയ യോഗത്തിൽ ട്രസ്റ്റ് ചെയർമാൻ ടി.എസ്. ലെനിൻ അദ്ധ്യക്ഷനായി.

മുൻ കൗൺസിലർ എം.വി. ഉല്ലാസ് അനുസ്മരണ പ്രഭാഷണം നടത്തി. കോവിഡ് മുന്നണി പോരാളികളായ മുനിസിപ്പാലിറ്റിയിലെ മുഴുവൻ ആശാ വർക്കർമാരെ ആദരിക്കലും എസ്.എസ്.എൽ.സിക്ക് മുഴുവൻ എ പ്ളസ് നേടിയ വിദ്യാർത്ഥികളെ അമോദിക്കലും ഹരിത കർമ്മസേനാംഗങ്ങൾക്കുള്ള പാരിതോഷിക വിതരണവും മുൻ ഹൈക്കോടതി റജിസ്ട്രാർ കെ.ആർ. ജയപ്രകാശ് നാരായണൻ നിർവ്വഹിച്ചു. നിർദ്ധന രോഗികൾക്കുള്ള ചികിത്സാസഹായവിതരണം ചരമദിനമായ ജനുവരി 23ന് വിതരണം ചെയ്‌തിരുന്നു. കൗൺസിലർമാരായ ഉഷ സഹദേവൻ, ജിജി പ്രേമൻ, ട്രസ്റ്റ് സെക്രട്ടറി എം.വി. ബാലകൃഷ്ണൻ, ട്രഷറർ കെ.കെ. രാജേന്ദ്രൻ എന്നിവർ സംസാരിച്ചു.