കൊച്ചി: ജർമ്മൻ വാഹനനിർമ്മാതാക്കളായ ബി.എം.ഡബ്ള്യു ടൂറിംഗ് ശ്രേണിയിൽ ഇന്ത്യയിലെത്തിച്ച പുത്തൻ മോഡലുകളായ ആർ 1250 ആർ.ടി.,​ കെ 1600 ജി.ടി.എൽ.,​ കെ 1600 ബാഗർ,​ കെ 1600 ഗ്രാൻഡ് അമേരിക്ക എന്നിവയുടെ ബുക്കിംഗ് തുടങ്ങി.
ബി.എം.ഡബ്ള്യു മോട്ടോറാഡ് ഷോറൂമുകളിലൂടെ ഇവ ബുക്ക് ചെയ്യാം. ഈവർഷം മേയിലാണ് ഇവയുടെ ലോഞ്ചിംഗ്. ഉപഭോക്താക്കൾക്കായി ആകർഷക ഫിനാൻഷ്യൽ സേവനങ്ങളും ബി.എം.ഡബ്ള്യു ഒരുക്കിയിട്ടുണ്ട്. രൂപഭംഗി,​ എൻജിൻ കരുത്ത്,​ പെർഫോമൻസ്,​ ഫീച്ചറുകൾ,​ സാങ്കേതികവിദ്യ എന്നിവയിലെല്ലാം ഏറെ മുന്നിട്ടു നിൽക്കുന്നവയാണ് ഈ മോഡലുകൾ.
ദീർഘദൂര യാത്രകൾക്കിണങ്ങിയ ഈ ക്രൂസറുകളിൽ പിലൺ സീറ്റുകളും 10.25 ഇഞ്ച് ഡിജിറ്റൽ ഇൻസ്‌ട്രുമെ് ക്ളസ്‌റ്ററും ഫുൾ എൽ.ഇ.ഡി ഹെഡ്‌ലൈറ്റുകളുമെല്ലാമുണ്ട്. ഹീറ്റഡ് ഗ്രിപ്പുകളും സീറ്റുകളും ടയർ പ്രഷർ മോണിറ്റിംഗ് സംവിധാനം,​ സാറ്റ് 2.0 റേഡിയോയോടു കൂടിയ ഓഡിയോ സംവിധാനം,​ കീലെസ് റൈഡിംഗ്,​ ആന്റി തെഫ്‌റ്റ് അലാം,​ സെൻട്രൽ ലോക്കിംഗ് സംവിധാനം,​ ഗിയർ ഷിഫ്‌റ്റ് അസിസ്‌റ്റന്റ് പ്രൊ,​ വിവിധ റൈഡിംഗ് മോഡുകൾ തുടങ്ങിയവയും കാണാം.