ബാലരാമപുരം: നെയ്യാർ ശുദ്ധജല പദ്ധതി​ നെയ്യാറ്റി​ൻകര, കാട്ടാക്കട താലൂക്കുകളി​ൽ നടപ്പാക്കണമെന്നും നെയ്യാർ ജല സംഭരണി​യി​ലെ ജലം ശുദ്ധീകരി​ച്ച് തലസ്ഥാനത്തെ മന്ത്രി​ മന്ദി​രങ്ങളി​ലും അവരുടെ ആവശ്യങ്ങൾക്കുവേണ്ടി​ ഉപയോഗി​ക്കുന്ന സർക്കാരി​ന്റെ നയത്തി​ൽ പ്രതി​ഷേധി​ച്ച് നെയ്യാറ്റി​ൻകര ജി​ല്ലാ രൂപീകരണ സമി​തി​ കാട്ടാക്കട മേഖലാ കമ്മി​റ്റി​യുടെ ആഭിമുഖ്യത്തി​ൽ അഡ്വ. രാജീവന്റെ നേതൃത്വത്തി​ൽ നടന്ന ജാഥ മുടവൂർപ്പാറയി​ൽ സമാപി​ച്ചു. ജി​ല്ലാ രൂപീകരണ സമി​തി​ കേന്ദ്ര കമ്മി​റ്റി​ സെക്രട്ടറി​ എം. നി​സ്താറി​ന്റെ അദ്ധ്യക്ഷതയിൽ ജി​ല്ലാ രൂപീകരണ സമി​തി​ ചെയർമാൻ അഡ്വ. ആർ.ടി​. പ്രദീപ് ഉദ്ഘാടനം ചെയ്തു. ആർ.എം.പി​ ജി​ല്ലാ സെക്രട്ടറി​ ജി​. ബാലകൃഷ്ണപി​ള്ള, ജി​ല്ലാ രൂപീകരണ സമി​തി​ നേതാക്കളായ നെയ്യാറ്റി​ൻകര ജയചന്ദ്രൻ, കൈരളി​ ശശി​ധരൻ, ഡോ. സി​.വി​. ജയകുമാർ, ഐബി​ൻ ജോർജ്, ധനുവച്ചപുരം സുകുമാരൻ, അമരവി​ള സതി​കുമാരി​, ജയകുമാർ എന്നി​വർ സംസാരി​ച്ചു. ജാഥ ക്യാപ്ടൻ അഡ്വ. രാജീവ് യോഗത്തി​ന് നന്ദി​ പറഞ്ഞു.