മുള്ളിരിങ്ങാട് : കാപ്പിക്കുരു പറിക്കുന്നതിനിടെ ശിഖരം ഒടിഞ്ഞുവീണ് ഗൃഹനാഥൻ മരിച്ചു. മുള്ളരിങ്ങാട് ചോറ്റുപാറയിൽ കുരുവിള (ബേബി- 56) ആണ് മരിച്ചത്. ഒരാഴ്ച മുൻപ് ഇലപ്പള്ളിയിലുള്ള പുരയിടത്തിൽ കാപ്പിക്കുരു പറിക്കാൻ പോയ കുരുവിളയെകുറിച്ച് വീട്ടുകാർക്ക് വിവരം ലഭിച്ചില്ല. തുടർന്ന് ചൊവ്വാഴ്ച സ്ഥലത്തെത്തി അന്വേഷിക്കുന്നതിനിടെ കാപ്പിയിൽ നിന്നും വീണ് മരിച്ച നിലയിൽ കണ്ടെത്തി. മൃതദേഹം തൊടുപുഴ ജില്ലാ ആശുപത്രിയിൽ. പോസ്റ്റ്‌മോർട്ടത്തിനു ശേഷം മുള്ളരിങ്ങാട് സംസ്‌കരിക്കും. ഭാര്യ: ലിസാമ്മ മക്കൾ :ഷെർമി, ഷെവിൻ, നീതു, ഷെയ്‌സ് .മരുമക്കൾ: രഞ്ചൽ, ജോബി, എബി. കാഞ്ഞാർ പൊലീസ് മേൽനടപടികൾ സ്വീകരിച്ചു. മൃതദേഹത്തിന് അഞ്ച് ദിവസത്തെ പഴക്കമുള്ളതായി പൊലീസ് അറിയിച്ചു.