ഇടുക്കി: സംസ്ഥാന സർക്കാറിന്റെ കൈത്തറി പരിപോഷണ പദ്ധതിയുടെ ഭാഗമായി കണ്ണൂർ ഇന്ത്യൻ ഇൻസ്റ്റിറ്റിയൂട്ട് ഓഫ് ഹാൻഡ്‌ലൂം ടെക്‌നോളജി, ടെക്സ്റ്റയിൽസ് ഡിസൈനർമാർക്ക് തൊഴിലവസരമൊരുക്കുന്നു. നിഫ്റ്റ്/എൻ.ഐ.ഡി കളിൽ നിന്ന് ടെക്സ്റ്റയിൽസ് ഡിസൈനിംഗ് കോഴ്‌സ് വിജയിച്ചവരും ഹാൻഡ്‌ലൂം ആന്റ് ടെക്സ്റ്റയിൽസ് ടെക്‌നോളജി, ഹാൻഡ്‌ലൂം ടെക്‌നോളജി എന്നിവയിൽ ഡിഗ്രി/ ഡിപ്ലോമ ലെവൽ കോഴ്‌സ് വിജയിച്ചവർക്കും അപേക്ഷിക്കാം. 3മുതൽ 5 വർഷം ടെക്സ്റ്റയിൽസ് ഡിസൈനിംഗിൽ പ്രവൃത്തിപരിചയം അഭികാമ്യം. നിയമനം താൽക്കാലികമായി പ്രൊജക്ട് അടിസ്ഥാനത്തിൽ. അപേക്ഷ തപാൽ വഴിയോ, നേരിട്ടോ സമർപ്പിക്കാം. ഇ-മെയിൽ വഴിയുള്ള അപേക്ഷ പരിഗണിക്കുന്നതല്ല. അപേക്ഷ ഫെബ്രുവരി 15 വരെ സ്വീകരിക്കും. അപേക്ഷാ കവറിന് പുറത്ത് 'ടെക്സ്റ്റയിൽസ് ഡിസൈനർക്കുള്ള അപേക്ഷ' എന്ന് രേഖപ്പെടുത്തണം. ഫോൺ : 04972835390