തൊടുപുഴ: ഉന്നത വിദ്യാഭ്യാസ വകുപ്പിലെ അസാപ് കേരളയുടെ ഫിറ്റ്‌നസ് ട്രെയിനർ, രണ്ടാം ബാച്ചിലേക്ക് ചേരാൻ അവസരം. ഫിറ്റ്‌നസ് ട്രെയിനർ/ ജിം ട്രെയിനർ/ ഫിറ്റ്‌നസ് കോച്ച് തുടങ്ങിയ വിവിധ തൊഴിലവസരങ്ങളുള്ള കോഴ്‌സിന് കേന്ദ്ര സർക്കാരിന്റെ എൻ.എസ്.ഡി.സി വഴിയുള്ള നാഷണൽ സ്‌കിൽ ക്വാളിറ്റി ഫ്രെയിം വർക്ക് ലെവലിന്റെ അംഗീകാരമാണുള്ളത്. 150 മണിക്കൂർ ദൈർഘ്യമുള്ള കോഴ്‌സിൽ ചേരാൻ പന്ത്രണ്ടാം ക്ലാസ് വിദ്യാഭ്യാസമാണ് യോഗ്യത. കോഴ്‌സിനോടനുബന്ധിച്ചു മികച്ച ഇന്റേൺഷിപ് സൗകര്യവുമുണ്ട്. തൊടുപുഴയുള്ള ന്യൂമാൻ കോളേജിൽ നിന്നായിരിക്കും പരിശീലന നൽകുക. ഫീസ്: 13,100 രൂപ. വിശദവിവരങ്ങൾക്കും കോഴ്‌സിൽ ചേരാനും വിളിക്കുക: 9495999655/ 9495999643.