ഇടുക്കി: പട്ടികജാതി വികസന വകുപ്പിന്റെ മെഡിക്കൽ/എഞ്ചിനീയറിംഗ് എൻട്രൻസ് പരിശീലന പദ്ധതി പ്രകാരം മെഡിക്കൽ /എഞ്ചിനീയറിംഗ് കോഴ്‌സുകൾക്ക് പ്രവേശനം നേടുന്നതിനാവശ്യമായ കോച്ചിംഗ് ലഭിക്കുന്നതിന് 2021 ൽ +2 പാസ്സായ പട്ടികജാതി വിദ്യാർത്ഥികളിൽ നിന്നും അപേക്ഷ ക്ഷണിച്ചു. കെമിസ്ട്രി, ഫിസിക്‌സ്, ബയോളജി, കണക്ക്, ഇംഗ്‌ളീഷ് എന്നീ വിഷയങ്ങളിൽ എപ്ളസിൽ കുറയാത്ത ഗ്രേഡ് വാങ്ങി പാസ്സായവരും കുടുംബവാർഷിക വരുമാനം 6 ലക്ഷം രൂപയിൽ കവിയാത്തവരുമായ വിദ്യാർത്ഥികൾക്ക് അപേക്ഷിക്കാം. പട്ടികജാതി വികസന വകുപ്പ് അംഗീകരിച്ചിട്ടുളള സ്ഥാപനങ്ങളിൽ മെഡിക്കൽ /എഞ്ചിനീയറിംഗ് എൻട്രൻസ് പരിശീലനത്തിന് പ്രവേശിക്കുന്ന പട്ടികജാതി വിദ്യാർത്ഥികൾ നിശ്ചിത മാതൃകയിലുള്ള അപേക്ഷ, വിദ്യാർത്ഥിയുടെ ജാതി സർട്ടിഫിക്കറ്റ്, രക്ഷകർത്താവിന്റെ കുടുംബ വാർഷിക വരുമാനം, എസ്.എസ്.എൽ.സി, പ്ളസ് ടു സർട്ടിഫിക്കറ്റിന്റെ സ്വയം സാക്ഷ്യപ്പെടുത്തിയതിന്റെ പകർപ്പ്, പരിശീലന സ്ഥാപനത്തിൽ ചേർന്ന സർട്ടിഫിക്കറ്റ്, ഫീസ് അടച്ചതിന്റെ രസീത്, വിദ്യാർത്ഥിയുടെ ബാങ്ക് അക്കൗണ്ടിന്റെ കോപ്പി, ആധാർ കോപ്പി, ബന്ധപ്പെടേണ്ട ഫോൺ നമ്പർ, എന്നിവ സഹിതം ഫെബ്രുവരി 17നകം കളക്ടറേറ്റിൽ പ്രവർത്തിക്കുന്ന ജില്ലാ പട്ടികജാതി വികസന ഓഫീസിൽ അപേക്ഷ സമർപ്പിക്കണം. കൂടുതൽ വിവരങ്ങൾ ജില്ലാ/ ബ്ലോക്ക് പട്ടികജാതി വികസന ഓഫീസുകളിൽ നിന്നും ലഭിക്കും. ഫോൺ നമ്പർ. 04862296297