മുട്ടം: ഹാഷിഷും കഞ്ചാവുമായി യുവാക്കൾ പൊലീസ് പിടിയിൽ. ഇന്നലെ വൈകിട്ട് 6 മണിയോടെ മുട്ടം ടൗണിൽ ബാറിന് സമീപം വെച്ചാണ് യുവാക്കൾ പിടിയിലായത്. കരിങ്കുന്നം തന്നിട്ടാംപാറ പടിക്കാച്ചികുന്നേൽ നന്ദു(19) തന്നിട്ടാംപാറ നെടിയോരത്തിൽ സജീഷ്(22) എന്നിവരാണ് പിടിയായിലായത്. 240 ഗ്രാം കഞ്ചാവ്,2 ഗ്രാം ഹാഷിഷുമാണ് ഇവരിൽ നിന്ന് കണ്ടെത്തിയത്. ഇടുക്കി നേർക്കോട്ടിക്ക് സെൽ ഡി വൈ എസ് പി എ ജി ലാലിന്റെ നേതൃത്വത്തിലുള്ള ഡാൻസാഫ് സ്കാഡ് അഗങ്ങളും മുട്ടം എസ് ഐ പി കെ ഷാജഹാൻ, എ എസ് ഐമാരായ ജയചന്ദ്രൻ, അബ്‌ദുൾ ഖാദർ, സി പി ഒമാരായ ലിജു, അനൂപ് എന്നിവരുടെ നേതൃത്വത്തിലുള്ള സംഘമാണ് പിടികൂടിയത്. പ്രതികളെ മജിസ്ട്രേറ്റിന് മുന്നിൽ ഹാജരാക്കി റിമാൻഡ് ചെയ്തു. കഴിഞ്ഞ ബുധനാഴ്ച്ച വൈകിട്ട് 5 ന് മുട്ടം തൊട്ടുങ്കര ഭാഗത്ത് വെച്ച് ബൈക്കിൽ യാത്ര ചെയ്തിരുന്ന മേലുകാവ് ചെമ്മല അമൽ, ശങ്കരപ്പള്ളി വടക്കേതറയിൽ അഭയ് എന്നിവരിൽ നിന്ന് 100 ഗ്രാം കഞ്ചാവ് മുട്ടം പൊലീസും നർക്കോട്ടിക്ക് സെൽ വിഭാഗവും പിടികൂടിയിരുന്നു