ചെറുതോണി: ഇടുക്കി സ്വദേശിനി ഷാരോണിന് കാനഡ സർക്കാരിന്റെ ആദരം. വിവിധ രാജ്യങ്ങളിൽ നിന്നെത്തി കാനഡ ആൽബർട്ട സ്റ്റേറ്റിൽ ഏറ്റവും നന്നായി ജോലി ചെയ്യുന്ന 30 പേരെ തിരഞ്ഞെടുത്ത് പാരിതോഷികം നൽകി ആദരിക്കാറുണ്ട്. ഇതിൽ തിരഞ്ഞെടുക്കപ്പെട്ട ഏക മലയാളിയാണ് ഷാരോൺ പനക്കൽ. ചേലച്ചുവട് സ്വദേശികളായ റിട്ടയർ അദ്ധ്യാപക ദമ്പതികളായ പനക്കൽ സണ്ണിയുടെയും ലിസിയുടെയും മൂന്നു മക്കളിൽ മൂത്ത മകളാണ് ഷാരോൺ. ചേലച്ചുവട്, ചുരുളി കുളമാവ് നവോദയ വിദ്യാലയം എന്നിവിടങ്ങളിലായിരുന്നു പ്രാഥമികവിദ്യാഭ്യാസം. തുടർന്ന് അമേരിക്കയിൽ നിന്ന് ഡിഗ്രിയും ഇംഗ്ലണ്ടിൽ നിന്ന് പി.ജിയും നേടി. കഴിഞ്ഞ മൂന്നു വർഷമായി കാനഡയിൽ മീഡിയ ഓഫീസറാണ്. കാനഡ പ്രധാനമന്ത്രി കത്തു വഴി ഷാരോണിനെ അഭിനന്ദിച്ചു. ഈ മാസം 28ന് ഷാരോൺ നാട്ടിലെത്തും.