കട്ടപ്പന: എസ് എൻ ഡി പി യോഗം മലനാട് യൂണിയന്റെ നേതൃത്വത്തിൽ നടത്തുന്ന പ്രീമാരിറ്റൽ കൗൺസലിംഗ് കോഴ്‌സിന്റെ അടുത്ത ബാച്ച് മാർച്ച് 12, 13 തിയതികളിൽ ദൈവദശക ശതാബ്ദി മന്ദിരത്തിൽ (യൂണിയൻ ഓഫീസ് ) നടക്കും.18 വയസ്സ് പൂർത്തിയായ യുവതികൾക്കും,21 വയസ്സ് പൂർത്തിയായ യുവാക്കൾക്കും കോഴ്‌സിൽ പങ്കെടുക്കാം.മാർച്ച് 12 ന് രാവിലെ 9 മണിക്ക് രജിസ്‌ട്രേഷൻ.തുടർന്ന് യൂണിയൻ പ്രസിഡന്റ് ബിജു മാധവൻ സമ്മേളനം ഉദ്ഘാടനം ചെയ്യും. സെക്രട്ടറി വിനോദ് ഉത്തമൻ അദ്ധ്യക്ഷനാകും.10 മണിക്ക് ഗുരുദേവന്റെ ദാമ്പത്യ സങ്കൽപ്പമെന്ന വിഷയത്തിൽ ബിജു പുളിക്കലേടത്ത്,ഉച്ചകഴിഞ്ഞ് 2 ന് കുടുംബഭദ്രത എന്ന വിഷയത്തിൽ പായിപ്ര ദമനൻ എന്നിവർ ക്ലാസ് നയിക്കും.മാർച്ച് 13 ന് രാവിലെ 9 മുതൽ 3. 30 വരെ വിവിധ വിഷയങ്ങളിൽ വിദഗ്ധർ ക്ലാസ്സ് നയിക്കും. തുടർന്ന് നടക്കുന്ന സമാപന സമ്മേളനത്തിൽ യൂണിയൻ വൈസ് പ്രസിഡന്റ് വിധു എ സോമൻ സർട്ടിഫിക്കറ്റുകളുടെ വിതരണോദ്ഘാടനം നിർവ്വഹിക്കും.രജിസ്‌ട്രേഷനുമായി ബന്ധപ്പെട്ട കൂടുതൽ വിവരങ്ങൾക്ക് യൂണിയൻ ഓഫീസുമായി ബന്ധപ്പെടാവുന്നതാണ്.ഫോൺ : 04868 272 693