കാസർകോട്: വിഷ പൊള്ളലേറ്റ നാടിന് എയിംസ് വേണം, കാസർകോടിന്റെ പേര് കേരളം പ്രൊപോസലിൽ ഉൾപ്പെടുത്തണം, കേന്ദ്രം കേരളത്തിന് എയിംസ് അനുവദിക്കണം എന്നീ ആവശ്യങ്ങളുമായി എയിംസ് ജനകീയ കൂട്ടായ്മയുടെ ആഭിമുഖ്യത്തിൽ നടന്നുവരുന്ന അനിശ്ചിതകാല നിരാഹാര സമരം 25 ദിനങ്ങൾ പിന്നിട്ടു. ഇന്നലെ നിരാഹാര സമരം സംഘാടക സമിതി ചെയർമാൻ നാസർ ചെർക്കളത്തിന്റെ അദ്ധ്യക്ഷതയിൽ ഫോർവേഡ് ബ്ലോക്ക്‌ ജില്ലാ ജനറൽ സെക്രട്ടറി ഷാഫി കല്ലുവളപ്പിൽ ഉൽഘാടനം ചെയ്തു. പി.ഡി.പി. സംസ്ഥാന സെക്രട്ടറി സുബൈർ പടുപ്പ്, കേരള ജനകീയ നീതി വേദി സംസ്ഥാന കമ്മിറ്റി അംഗം ഉസ്മാൻ കടവത്ത്,
കൂട്ടായ്മ ജില്ലാ ട്രഷറർ ആനന്ദൻ പെരുമ്പള, ജില്ലാ കൺവീനർ താജ്ജുദ്ദീൻ പടിഞ്ഞാർ, സംഘാടക സമിതി വൈസ് ചെയർമാൻ ടി. അഹമ്മദ് ബഷീർ സാഹിബ്, ഷാഫി തെരുവത്ത്, മുഹമ്മദ്‌ ഈച്ചിലിങ്കാൽ, മറിയക്കുഞ്ഞി യു.പി. സ്വദേശിയായ സാമൂഹ്യ പ്രവർത്തകൻ ഡാനിഷ് എന്നിവർ പ്രസംഗിച്ചു.