കണ്ണൂർ: ആ​റ്റടപ്പ അർബൻ ഡയാലിസിസ് സെന്റർ ഏ​റ്റെടുത്ത് നടത്താൻ കണ്ണൂർ റോട്ടറി ക്ലബ്ബിനു കോർപ്പറേഷൻ കൗൺസിൽ അനുമതി നൽകി. റോട്ടറി ക്ലബുമായി ഉടൻ കോർപ്പറേഷൻ കരാർ വയ്ക്കും. ഡയാലിസിസ് സെന്റർ നടത്തിപ്പ് പൂർണ്ണമായും കോർപ്പറേഷൻ നിയന്ത്റണത്തിലായിരിക്കും. ഇതിന് കോർപ്പറേഷൻ തലത്തിൽ സബ്ബ് കമ്മി​റ്റി രൂപീകരിക്കും. കോർപ്പറേഷനു കീഴിലുള്ള ആ​റ്റടപ്പ ഡയാലിസിസ് സെന്റർ കൊവിഡ് പ്രതിരോധ പ്രവർത്തനങ്ങളുടെ ഭാഗമായി കളക്ടർ ഏ​റ്റെടുത്ത് കൊണ്ട് ഉത്തരവിട്ടിരുന്നു. സെന്ററിന്റെ എൻ.എച്ച്.എം പ്രവർത്തനം 2021ൽ അവസാനിച്ചിരുന്നതാണ്. തുടർന്ന് സ്ഥാപനം ഏ​റ്റെടുത്ത് നടത്താൻ റോട്ടറി ക്ലബ് കോർപ്പറേഷനെ സമീപിക്കുകയായിരുന്നു.

ലത മങ്കേഷ്‌ക്കരുടെ നിര്യാണത്തിൽ കൗൺസിൽ യോഗം അനുശോചിച്ചു. മേയർ ടി.ഒ. മോഹനൻ അദ്ധ്യക്ഷത വഹിച്ചു. എൻ. സുകന്യ, സുരേഷ് ബാബു എളയാവൂർ, അഡ്വ. പി. ഇന്ദിര എന്നിവർ സംബന്ധിച്ചു.