കണ്ണൂർ :കോർപ്പറേഷൻ വാർഷിക പദ്ധതിയിൽ ഉൾപ്പെടുത്തി നിർമ്മിക്കുന്ന ഷീ മാളിന്റെ പ്രവൃത്തി ഉദ്ഘാടനം മേയർ അഡ്വ. ടി ഒ മോഹനൻ നിർവഹിച്ചു. 2020-122 വാർഷിക പദ്ധതിയിലെ വനിതാ ഘടക പദ്ധതിയിൽ ഉൾപ്പെടുത്തിയാണ് 91,21,000 രൂപ ചെലവിൽ 3634 സ്‌ക്വയർ ഫീ​റ്റ് വിസ്തൃതിയിൽ രണ്ട് നിലയിലായി മാൾ നിർമ്മിക്കുന്നത്.
മാൾ നിർമ്മാണം പൂർത്തിയാകുന്നതോടെ സ്ത്രീകളുടെ ജീവിതത്തിനും തൊഴിലിനും അഭിവൃദ്ധി ഉണ്ടാക്കുന്ന തരത്തിലുള്ള സംരംഭങ്ങൾ ഉയർന്നുവരുമെന്ന് മേയർ പറഞ്ഞു.ചടങ്ങിൽ ഡെപ്യൂട്ടി മേയർ കെ ഷബീന അദ്ധ്യക്ഷത വഹിച്ചു.സ്​റ്റാൻഡിംഗ് കമ്മി​റ്റി ചെയർമാന്മാരായ അഡ്വ .പി. ഇന്ദിര,പി .ഷമീമ,ഷാഹിന മൊയ്തീൻ, സിയാദ് തങ്ങൾ
കൗൺസിലർമാരായ കെ ,സുരേഷ്, മുസ്ലിഹ് മഠത്തിൽ എന്നിവർ പ്രസംഗിച്ചു.