ഞാൻ ആദ്യം സംസാരിച്ച ഭാഷ. ഞാൻ സ്വപ്നം കാണുന്ന ഭാഷ. ഞാൻ എഴുതുന്ന ഭാഷ. മലയാള ഭാഷയോടുള്ള എന്റെ കൂറ് അചഞ്ചലമാണ്. ലോകത്തിന്റെ വിവിധ ഭാഗങ്ങൾ സഞ്ചരിക്കുവാൻ അവസരം ലഭിച്ച വ്യക്തിയാണ് ഞാൻ. യൂറോപ്പ്, അമേരിക്ക, കാനഡ, ഇംഗ്ളണ്ട്, സിങ്കപ്പൂർ, നേപ്പാൾ, സൗദി അറേബ്യ എന്നിവിടങ്ങളിലും മുഴുവൻ ഗൾഫ് രാജ്യങ്ങളിലും പോയിട്ടുണ്ട്. അമേരിക്കയിലും ഇംഗ്ളണ്ടിലും രണ്ടു തവണ മാസങ്ങൾ നീണ്ട യാത്രയായിരുന്നു. ഈ യാത്രകളിലെല്ലാം നിർബന്ധം പോലെ ഖദറിന്റെ മുണ്ടും ഷർട്ടും മാത്രമെ ഞാൻ ധരിച്ചിരുന്നുള്ളൂ. വിമാനത്തിൽ മുണ്ട് ധരിച്ച വ്യക്തി പലപ്പോഴും ഞാൻ മാത്രമായിരുന്നു. മലയാളി എന്നതിൽ അഭിമാനം കൊള്ളുന്നതു കൊണ്ടാണ് അത്.

ദീർഘകാലത്തെ വൈദേശികാധിപത്യത്തിൽ നിന്ന് നമ്മൾ മോചനം നേടിയത് 1947- ലാണ്. എത്രയോ വർഷങ്ങൾ കഴിഞ്ഞിരിക്കുന്നു. പക്ഷേ, ഏറ്റവും ദു:ഖകരമായ കാര്യം നാമിന്നും മാനസികമായി അടിമകളായിത്തന്നെ കഴിയുന്നു എന്നതാണ്.സായ്‌പിന്റെ വേഷവും ഭാഷയും ആചാരങ്ങളും പകർത്തുന്നതിലാണ് നമ്മളിൽ അധികം പേർക്കും അഭിമാനം!

കോടതികൾ, സർവകലാശാലകൾ, ഉന്നത ഭരണകേന്ദ്രങ്ങൾ... ഇവിടങ്ങളിലെല്ലാം സായ്‌പിന്റെ ഭാഷയ്ക്കു തന്നെയാണ് ആധിപത്യം. നമുക്ക് ഈ സ്ഥലങ്ങളിലൊക്കെ പൂർണമായും മാതൃഭാഷ ഉപയോഗിച്ചു കൂടേ എന്നു ചോദിച്ചാൽ ചില തൊടുന്യായങ്ങൾ കേൾക്കേണ്ടി വരും. പൊതുവെ കേൾക്കാറുള്ള ഒരു ന്യായം, ശാസ്ത്രീയകാര്യങ്ങൾ പ്രതിപാദിക്കാൻ തക്കവണ്ണം നമ്മുടെ ഭാഷ വളർന്നിട്ടില്ല എന്നതാണ്. ഇതു തെറ്റാണെന്ന് വളരെ എളുപ്പം തെളിയിക്കാൻ കഴിയും. ശാസ്ത്രീയ വിഷയങ്ങളിൽ ഏറെ മുന്നോട്ടുപോയ പല വിദേശരാജ്യങ്ങളിലും അവിടുത്തെ കോളേജുകളിൽ ശാസ്ത്രം പഠിപ്പിക്കുന്നത് മാതൃഭാഷയിലാണ്. ഈ ഭാഷകളിൽ പഠിച്ച് ഉന്നത ബിരുദം നേടിയവരിൽ നൊബേൽ സമ്മാന ജേതാക്കൾ വരെയുണ്ട്.

ഇത് നമുക്കും ചെയ്യാവുന്നതേയുള്ളൂ. മാനസികമായി നമ്മൾ അതിനു തയ്യാറല്ല എന്നതു മാത്രമാണ് പ്രശ്നം.

മലയാളം നിർബന്ധ പാഠ്യവിഷയമാക്കണം. ഉറങ്ങിക്കിടക്കുന്ന മാതൃഭാഷാ ബിൽ നിയമമാക്കണം. പാഠപുസ്തകങ്ങളിൽ അക്ഷരമാല തിരിച്ചെത്തിക്കണം.

 സ​ങ്ക​ല്പ​ന​ത്തി​ന്റെ സു​ന്ദ​ര​ഭാഷ

പ്ര​ഭാ​വ​ർ​മ്മ

മ​റ്റു​ള്ള​ ​ഭാ​ഷ​ക​ൾ​ ​കേ​വ​ലം​ ​ധാ​ത്രി​മാ​ർ,​​​ ​മ​ർ​ത്യ​ന്നു​ ​പെ​റ്റ​മ്മ​ ​ത​ൻ​ഭാ​ഷ​ ​താ​ൻ...​ ​എ​ന്നെ​ഴു​തി​യ​ത് ​മ​ഹാ​ക​വി​ ​വ​ള്ള​ത്തോ​ളാ​ണ്.​ ​അ​വി​ടെ​ ​നി​ർ​ത്തു​ക​യ​ല്ല​ ​വ​ള്ള​ത്തോ​ൾ​ ​ചെ​യ്ത​ത്,​ ​'​മാ​താ​വി​ൻ​ ​വാ​ത്സ​ല്യ​ ​ദു​ഗ്ദ്ധം​ ​നു​ക​ർ​ന്നാ​ലേ​ ​പൈ​ത​ങ്ങ​ൾ​ ​പൂ​ർ​ണ​ ​വ​ള​ർ​ച്ച​യെ​ത്തൂ...​"​ ​എ​ന്നു​കൂ​ടി​ ​അ​ദ്ദേ​ഹം​ ​പ​റ​ഞ്ഞു​വ​ച്ചു.​ ​മാ​തൃ​ഭാ​ഷ​യി​ലൂ​ടെ​ ​മാ​ത്രം​ ​ഉ​ണ്ടാ​കു​ന്ന​ ​വ്യ​ക്തി​ത്വ​ ​വി​കാ​സ​ത്തെ​യാ​ണ് ​ഇ​ത് ​സൂ​ചി​പ്പി​ക്കു​ന്ന​ത്.​ ​മാ​തൃ​ഭാ​ഷ​ ​സ്വാ​യ​ത്ത​മാ​യാ​ൽ​ ​ഏ​ത് ​ഇ​ത​ര​ ​ഭാ​ഷ​യും​ ​എ​ളു​പ്പ​ത്തി​ൽ​ ​പ​ഠി​ക്കാം.​ ​മാ​തൃ​ഭാ​ഷ​ ​ന​മ്മു​ടെ​ ​ചി​ന്ത​യു​ടെ​യും​ ​സ​ങ്ക​ല്പ​ന​ത്തി​ന്റെ​യും​ ​ഭാ​ഷ​യാ​ണ്.​ ​സ​ങ്ക​ല്പി​ക്കാ​നു​ള്ള​ ​ന​മ്മു​ടെ​ ​ശേ​ഷി​യെ​ ​വി​ക​സി​പ്പി​ക്കു​ന്ന​ത് ​മാ​തൃ​ഭാ​ഷ​യാ​ണ് ​എ​ന്ന​ർ​ത്ഥം.

'​ആ​ന​ത്ത​ല​യോ​ളം​ ​വെ​ണ്ണ​ ​ത​രാ​മെ​ടാ,​​​ ​ആ​ന​ന്ദ​ ​ശ്രീ​കൃ​ഷ്ണാ​ ​വാ​ ​മു​റു​ക്ക്"​ ​എ​ന്ന​ ​വ​രി​ക​ളി​ലെ​ ​ആ​ന​ത്ത​ല​യോ​ളം​ ​വെ​ണ്ണ​ ​കു​ഞ്ഞു​മ​ന​സു​ക​ൾ​ക്ക് ​സ​ങ്ക​ല്പി​ക്കാ​ൻ​ ​ക​ഴി​യും.​ ​ആ​ ​സ​ങ്ക​ല്പ​ന​ ​ശേ​ഷി​യാ​ണ് ​കു​ഞ്ഞു​ങ്ങ​ളു​ടെ​ ​പ്ര​തി​ഭാ​ശ​ക്തി​യെ​ ​ഭാ​വി​യി​ൽ​ ​ശ​ക്തി​പ്പെ​ടു​ത്തി​യെ​ടു​ക്കേ​ണ്ട​ത്.​ ​തീ​യു​ടെ​ ​ഒ​രു​ ​ക​ട​ൽ​ ​ത​നി​ക്ക് ​സ​ങ്ക​ല്പി​ക്കാ​ൻ​ ​ക​ഴി​യു​മെ​ന്ന് ​സി.​വി​ ​രാ​മ​ൻ​പി​ള്ള​ ​പ​റ​ഞ്ഞി​ല്ലേ​?​​​ ​ഇ​ത്ത​രം​ ​സ​ങ്ക​ല്പ​ന​ങ്ങ​ൾ​ക്കു​ള​ള​ ​ശേ​ഷി​യാ​ണ് ​ഭാ​വി​യി​ൽ​ ​സാ​ഹി​തൃ​കൃ​തി​ക​ളാ​യും​ ​ശാ​സ്ത്ര​ ​സാ​ങ്കേ​തി​ക​ ​രം​ഗ​ങ്ങ​ളി​ലെ​ ​സ​മു​ജ്ജ്വ​ല​ ​നേ​ട്ട​ങ്ങ​ളാ​യും​ ​തെ​ളി​യു​ന്ന​ത്.​ ​ഇ​ളം​ ​പ്രാ​യ​ത്തി​ൽ​ത്ത​ന്നെ​ ​കു​ഞ്ഞു​ ​മ​ന​സു​ക​ളി​ൽ​ ​ഈ​ ​സ​ങ്ക​ല്പ​ന​ ​ശേ​ഷി​ ​രൂ​പ​പ്പെ​ട​ണം.​ ​ഇ​ത് ​മാ​തൃ​ഭാ​ഷ​യി​ലൂ​ടെ​ ​മാ​ത്ര​മേ​ ​സാ​ധി​ക്കൂ.​ ​കു​ഞ്ഞു​ങ്ങ​ൾ​ക്ക് ​മാ​തൃ​ഭാ​ഷ​ ​നി​ഷേ​ധി​ക്കു​മ്പോ​ൾ​ ​അ​വ​രു​ടെ​ ​സ​ങ്ക​ല്പ​ന​ ​ശേ​ഷി​ക്കു​ള്ള​ ​സാ​ദ്ധ്യ​ത​ക​ളെ​ക്കൂ​ടി​യാ​ണ് ​നി​ഷേ​ധി​ക്കു​ന്ന​ത്.

നി​ർ​ഭാ​ഗ്യ​വ​ശാ​ൽ,​ ​മ​ല​യാ​ളം​ ​അ​റി​യു​ക​ ​എ​ന്ന​ത് ​ഒ​രു​ ​അ​യോ​ഗ്യ​ത​യാ​യി​ ​ക​ണ​ക്കാ​ക്കു​ന്ന​ ​അ​തി​പ​രി​ഷ്കൃ​ത​ ​സ​മൂ​ഹം​ ​കേ​ര​ള​ത്തി​ൽ​ ​രൂ​പ​പ്പെ​ട്ടി​ട്ടു​ണ്ട്.​ ​ഇം​ഗ്ളീ​ഷ് ​അ​റി​യാ​മെ​ന്ന​ത് ​യോ​ഗ്യ​ത,​ ​ഹി​ന്ദി​യോ​ ​ഫ്ര​ഞ്ചോ​ ​സ്പാ​നി​ഷോ​ ​അ​റി​യാ​മെ​ങ്കി​ൽ​ ​അ​ധി​ക​യോ​ഗ്യ​ത,​​​ ​മ​ല​യാ​ളം​ ​തെ​റ്റു​കൂ​ടാ​തെ​ ​പ​റ​യാ​നും​ ​എ​ഴു​താ​നും​ ​ക​ഴി​യു​മെ​ന്നു​വ​ന്നാ​ൽ​ ​അ​ത് ​അ​യോ​ഗ്യ​ത​!​ ​ഇ​ങ്ങ​നെ​ ​ചി​ന്തി​ക്കു​ന്ന​വ​രു​ടെ​ ​ഒ​രു​ ​സ​മൂ​ഹം.​ ​ഒ​രു​ ​ത​മി​ഴ​ൻ​ ​ക്യാ​ബി​ന​റ്റ് ​സെ​ക്ര​ട്ട​റി​യാ​യാ​ലും​ ​വീ​ട്ടി​ൽ​ ​ത​മി​ഴേ​ ​പ​റ​യൂ.​ ​ബം​ഗാ​ളി​ ​യു.​എ​ൻ​ ​സെ​ക്ര​ട്ട​റി​ ​ജ​ന​റ​ൽ​ ​ആ​യാ​ലും​ ​വീ​ട്ടി​ൽ​ ​ബം​ഗാ​ളി​ ​ഭാ​ഷ​യേ​ ​സം​സാ​രി​ക്കൂ.​ ​മ​ല​യാ​ളി​യോ​?​ ​പ​ത്താം​ ​ക്ളാ​സ് ​പാ​സാ​യി​ ​ചെ​റി​യ​ ​ഏ​തെ​ങ്കി​ലും​ ​ജോ​ലി​ക്ക് ​ഫ​രി​ദാ​ബാ​ദി​ലോ​ ​മ​റ്റോ​ ​ചെ​ന്നു​പെ​ട്ടാ​ൽ​ ​മ​ല​യാ​ളി​യോ​ടു​ ​പോ​ലും​ ​ഹി​ന്ദി​യേ​ ​പ​റ​യൂ.​ ​അ​ന്ന​ന്ന​ത്തെ​ ​ആ​ഹാ​ര​ത്തി​നു​ ​വേ​ണ്ടി​ ​ആ​ത്മാ​ഭി​മാ​ന​ത്തെ​ ​ഇ​ങ്ങ​നെ​ ​കു​ട​ഞ്ഞെ​റി​യു​ന്ന​ ​മ​റ്റൊ​രു​ ​സ​മൂ​ഹം​ ​ലോ​ക​ത്തെ​വി​ടെ​യെ​ങ്കി​ലും​ ​ഉ​ണ്ടെ​ന്നു​ ​തോ​ന്നു​ന്നി​ല്ല.

ലോ​ക​ത്ത് ​ഏ​തെ​ങ്കി​ലു​മൊ​രു​ ​ജ​ന​ത​ ​മാ​തൃ​ഭാ​ഷാ​ ​സം​ര​ക്ഷ​ണ​ത്തി​നാ​യി​ ​വാ​രം​ ​ആ​ച​രി​ക്കു​ന്നു​ണ്ടോ​?​ ​ഇം​ഗ്ളീ​ഷു​കാ​ർ​ ​ഇം​ഗ്ളീ​ഷി​നു​ ​വേ​ണ്ടി​യോ​ ​ഫ്രാ​ൻ​സു​കാ​ർ​ ​ഫ്ര​ഞ്ചി​നു​ ​വേ​ണ്ടി​യോ​ ​ചൈ​ന​ക്കാ​ർ​ ​ചൈ​നീ​സി​നു​ ​വേ​ണ്ടി​യോ​ ​വാ​രം​ ​ആ​ച​രി​ക്കു​ന്നു​ണ്ടോ​?​ ​അ​ങ്ങ​നെ​ ​വാ​രം​ ​ആ​ച​രി​ച്ച് ​സം​ര​ക്ഷി​ക്കേ​ണ്ട​ ​ഒ​ന്ന​ല്ല,​​​ ​ജീ​വി​ത​ത്തി​ൽ​ ​ആ​ച​രി​ച്ച് ​ജീ​വി​ത​ത്തി​ന്റെ​ ​ഭാ​ഗ​മാ​ക്കേ​ണ്ട​താ​ണ് ​മാ​തൃ​ഭാ​ഷ​യെ​ന്ന് ​അ​വ​ർ​ക്ക​റി​യാം.​ ​ഒ​രു​ ​ആ​ഴ്ച​ ​മാ​തൃ​ഭാ​ഷ​യു​ടെ​ ​സം​ര​ക്ഷ​ണ​ത്തി​നാ​യി​ ​നീ​ക്കി​ ​വ​യ്ക്കു​ക​യും​ ​മ​റ്റ് ​ആ​ഴ്ച​ക​ളി​ലെ​ല്ലാം​ ​മാ​തൃ​ഭാ​ഷ​യെ​ ​കൊ​ല്ലു​ക​യു​മാ​ണ് ​മ​ല​യാ​ളി​ക​ൾ​ ​ചെ​യ്യു​ന്ന​ത്.

മ​ല​യാ​ള​ ​ഭാ​ഷ​യെ​ക്കു​റി​ച്ച് ​മ​ല​യാ​ളി​ ​അ​ഭി​മാ​നി​ക്കേ​ണ്ട​താ​ണ്.​ ​ഇം​ഗ്ളീ​ഷി​നും​ ​മേ​ലെ​യാ​ണ് ​മ​ല​യാ​ളം.​ ​ഭാ​ഷ​യു​ടെ​ ​ശ്രേ​ഷ്ഠ​ത​ ​നി​ശ്ച​യി​ക്കു​ന്ന​ ​മു​ഖ്യ​ഘ​ട​ക​മാ​യി​ ​ലോ​ക​ഭാ​ഷാ​ ​വി​ദ​ഗ്ദ്ധ​ർ​ ​ആ​ധു​നി​ക​ ​കാ​ല​ത്ത് ​ക​ണ്ടെ​ത്തി​യി​ട്ടു​ള്ള​ത് ​ഭാ​ഷ​ ​ഫൊ​ണ​റ്റി​ക് ​സ്വ​ഭാ​വം​ ​ഉ​ള്ള​താ​ണോ,​​​ ​അ​ൺ​ഫൊ​ണ​റ്റി​ക് ​സ്വ​ഭാ​വം​ ​ഉ​ള്ള​താ​ണോ​ ​എ​ന്നു​ ​നോ​ക്കു​ക​ ​എ​ന്ന​താ​ണ്.​ ​ഫൊ​ണ​റ്റി​ക് ​ആ​ണെ​ങ്കി​ൽ​ ​ശ്രേ​ഷ്ഠം.​ ​അ​ൺ​ഫൊ​ണ​റ്റി​ക് ​ആ​ണെ​ങ്കി​ൽ​ ​ശ്രേ​ഷ്ഠ​മ​ല്ല.

ഇ​തി​നെ​ ​മാ​ന​ദ​ണ്ഡ​മാ​ക്കി​ ​നോ​ക്കി​യാ​ൽ​ ​മ​ല​യാ​ള​ ​ഭാ​ഷ​ ​ശ്രേ​ഷ്ഠ​ഭാ​ഷ​ ​ത​ന്നെ​യാ​ണ്.​ ​വ്യ​വ​സ്ഥി​തി​ ​എ​ന്നെ​ഴു​താം,​ ​വ്യ​വ​സ്ഥി​തി​ ​എ​ന്നു​ ​ത​ന്നെ​ ​ഉ​ച്ച​രി​ക്കു​ക​യും​ ​ചെ​യ്യാം.​ ​ഇം​ഗ്ളീ​ഷ് ​ഭാ​ഷ​യി​ലാ​ണെ​ങ്കി​ലോ​-​ ​കൊ​ളോ​ണ​ൽ​ ​എ​ന്നെ​ഴു​ത​ണം,​ ​കേ​ണ​ൽ​ ​എ​ന്ന് ​ഉ​ച്ച​രി​ക്ക​ണം​!​ ​ഈ​സ്ലാ​ൻ​ഡ് ​എ​ന്നെ​ഴു​ത​ണം,​ ​ഐ​ല​ൻ​ഡ് ​എ​ന്ന് ​ഉ​ച്ച​രി​ക്ക​ണം.​ ​ഇ​താ​ണ് ​അ​ൺ​ഫൊ​ണ​റ്റി​ക് ​സ്വ​ഭാ​വം.​ ​ഇ​ത് ​അ​ള​വു​കോ​ലാ​കു​മ്പോ​ഴാ​ണ് ​മ​ല​യാ​ള​ത്തി​ന്റെ​ ​ഉ​ത്കൃ​ഷ്ട​ത​ ​ന​മു​ക്കു​ ​ത​ന്നെ​ ​ബോ​ദ്ധ്യ​മാ​കു​ന്ന​ത്.

 ലോകത്തിന്റെ മാതൃഭാഷ

സി. രാധാകൃഷ്ണൻ

ലോകത്തെ എല്ലാ ഭാഷകളും കൂടിച്ചേർന്ന് നാളെ അതൊരു മാതൃഭാഷയായി മാറേണ്ടതുണ്ട്. ലോകത്തെ എല്ലാ കാര്യങ്ങളെക്കുറിച്ചും പറയാനുള്ള തന്റേടമാണ് അതിന് ആർജ്ജിച്ചെടുക്കേണ്ടത്. കലാലയങ്ങളിൽ മലയാള ഭാഷ പ്രോത്സാഹിപ്പിക്കാനുള്ള ഒന്നും തന്നെ ഇപ്പോൾ നടക്കുന്നില്ല. സ്കൂൾ വിദ്യാഭാസത്തിന്റെയും കോടതി വ്യവഹാരങ്ങളുടെയും ഭാഷകളെല്ലാം മലയാളമാക്കണം. ഇത്രയും കാലം മാതൃഭാഷയെ പുകഴ്ത്തിപ്പറഞ്ഞതെല്ലാം വെറുതെയാണ്. എല്ലാ സർക്കാർ സംവിധാനങ്ങളുടേയും ഭാഷ മലയാളമാക്കി മാറ്റേണ്ടതുണ്ട്. അതിന് ഒരു സമയപരിധി നിശ്ചയിക്കണം. വാക്കുകളും പ്രയോഗങ്ങളുമെല്ലാം വഴിയേ വരും. മാതൃഭാഷ പഠിക്കാതെ മറ്റൊരു ഭാഷയും നമുക്ക് പഠിക്കാനാവില്ല. മാതൃഭാഷ അറിയാത്തതു കാരണം മറ്റു ഭാഷകളൊന്നും ശരിയായ വിധത്തിൽ ഇപ്പോൾ പഠിക്കാനും കഴിയുന്നില്ല. നമ്മുടെ നാട്ടിലെ മതങ്ങൾക്കും ഇപ്പോൾ മലയാള ഭാഷയെ ആവശ്യമില്ല. എന്നാൽ ഇൗ മനുഷ്യരുടെയെല്ലാം ഭാഷ മലയാളമാണു താനും! സ്വന്തം നാട്ടിൽ അന്യരായിപ്പോകുന്ന സ്ഥിതിയാണ് ഇന്നുള്ളത്.

 മുലപ്പാലിൽ ചാലിച്ച വാക്ക്

സേതു

അമ്മ നിങ്ങളെ പ്രസവിക്കുമ്പോൾ ആദ്യം പറഞ്ഞ വാക്ക്. അല്ലെങ്കിൽ അമ്മ മരിക്കാൻ കിടക്കുമ്പോൾ ഒടുവിൽ പറഞ്ഞ വാക്ക്, അതേതാണോ അതാണ് നിങ്ങളുടെ മാതൃഭാഷയെന്ന് ഒരു വിദേശ കവി പാടിയിട്ടുണ്ട്. അമ്മയുടെ മുലപ്പാലിൽ നിന്ന് കിട്ടുന്നതാണ് മാതൃഭാഷ.

ലോകത്തെ വികസിതമോ അവികസിതമോ ആയ എല്ലാ രാജ്യങ്ങളിലെയും ജനങ്ങൾക്ക് അവരുടെ ഭാഷ പ്രിയപ്പെട്ടതാണ്. ഇവിടെ മലയാളിക്ക് മലയാളമെന്നു പറയുന്നത് നാണക്കേടാണ്. ഭരണഭാഷയാക്കാൻ പറ്റില്ല, പഠന ഭാഷയാക്കാൻ ഇഷ്ടമല്ല എന്നൊക്കെ പറയുന്നത് ലജ്ജാകരമാണ്. മലയാളം മീഡിയത്തിൽ പഠിച്ചതുകൊണ്ട് എനിക്ക് ഒരു പോരായ്മയും തോന്നിയിട്ടില്ല. മറ്റു ഭാഷകളെല്ലാം സ്വയം ആർജ്ജിച്ചെടുത്തതാണ്. ഏത് ലോകഭാഷയും ആർജ്ജിച്ചെടുക്കാം. അമ്മയെപ്പോലെ, അമ്മയുടെ മുലപ്പാലു പോലെ മാതൃഭാഷ പ്രിയപ്പെട്ടതാകണം.

 സ്വത്വത്തിന്റെ അടയാളം

സി.വി. ബാലകൃഷ്ണൻ

ഏതൊരു മനുഷ്യന്റെയും സ്വത്വത്തിന്റെ ഏറ്റവും പ്രധാനപ്പെട്ട അടയാളം മാതൃഭാഷയാണ്. മാതൃഭാഷയോടുള്ള ബന്ധം വൈചാരികമെന്നതിനപ്പുറം വൈകാരികമാണ്. മർത്യനു പെറ്റമ്മ തൻ ഭാഷ താൻ എന്നു പാടിയല്ലോ,​ മഹാകവി വള്ളത്തോൾ.

മാതൃഭാഷയുടെ ശ്രേഷ്ഠത കേവലം ഔപചാരികമായ ഒരു പദവിയല്ല. നമ്മുടെ ഭാഷ ആകർഷകവും ഗംഭീരവും മഹത്വപൂർണവുമാണ്. നിർഭാഗ്യവശാൽ മലയാളികളെന്നു വിശേഷിപ്പിക്കപ്പെടുന്ന ഏവരും ഒരേ അളവിൽ ഈ വിശ്വാസം പങ്കിടുന്നുവെന്ന് പറയാനാവില്ല. ഭാഷയുടെ മഹത്വം തിരിച്ചറിയാത്തവർ ഏറെയുണ്ട്. മെക്കാളയുടെ മകൾ എന്ന കവിതയിൽ പി.കുഞ്ഞിരാമൻ നായർ ദു:ഖത്തോടെ കുറിച്ചത് മലയാളികളുടെ മാറിയ മനോഭാവത്തെയാണ്. തറവാട്ടമ്മയായിരുന്ന ഭാഷ മുറ്റമടിക്കുന്ന വേലക്കാരിയായ കാഴ്ച കവിക്ക് കാണേണ്ടി വന്നു. ആ ദു:സ്ഥിതി ഇന്നും തുടരുന്നു!

മാറി വരുന്ന സർക്കാരുകൾ ഭാഷയെ നിരന്തരം അവഗണിക്കുകയായിരുന്നു. ഭാഷാ സംരക്ഷണമെന്നതൊക്കെ വെറും പാഴ് വാക്ക്! ഭരണഭാഷയോ കോടതി വ്യവഹാരങ്ങളിലെ ഭാഷയോ ആയി മലയാളം ഇനിയും അംഗീകരിക്കപ്പെട്ടിട്ടില്ല. മറ്റൊരിടത്തും മാതൃഭാഷ ഇത്രമേൽ ക്രൂരമായ അപമാനം നേരിടുന്നില്ല തന്നെ. ഇത് ഭാഷയെ സ്നേഹിക്കുന്ന ഒരാളെന്ന നിലയിൽ എന്നെ സംബന്ധിച്ച് അങ്ങേയറ്റം ദു:ഖകരമാണ്. നമ്മളെല്ലെങ്കിൽ മറ്റാര് സ്നേഹിക്കും,​ നമ്മുടെ ഭാഷയെ?

 സ്വന്തം ഭാഷയിലെ സ്വാതന്ത്ര്യബോധം

പ്രൊഫ. എം.കെ. സാനു

മാതൃഭാഷയിലേ മൗലികമായ ചിന്തകൾ വിളയുകയുള്ളൂ. മതമേതായാലും മനുഷ്യൻ നന്നായാൽ മതിയെന്ന ഗുരുവാക്യമാണ് ഉദാഹരണം. എല്ലാ മഹാത്മാക്കളും മാതൃഭാഷയിലൂടെയാണ് ചിന്തിച്ചു വളർന്നത്. സഹോദരൻ അയ്യപ്പനെയും രചനകളെയും ഇപ്പോഴും ജനങ്ങൾ പരാമർശിക്കുന്നതിന് കാരണവും അതാണ്. സർഗാത്മകതയിലേക്കും തുല്യതയിലേക്കും സ്വന്തം ഭാഷ നയിക്കും.

നമ്മുടെ സർക്കാർ ഓഫീസുകളിലും കോടതികളിലും മറ്റും അപകർഷതയോടെ മലയാളികൾ നിൽക്കേണ്ടിവരുന്നുണ്ട്. ഏതൊരാൾക്കും മാതൃഭാഷ മുലപ്പാലു പോലെ സഹജമായ മാനസിക ഭക്ഷണമാണ്. അത് സ്വാതന്ത്ര്യബോധം പകരും. ഏതൊരു രാജ്യത്തെയും കീഴടക്കുന്നവർ ആദ്യം ചെയ്യുക അവിടുത്തെ ഭാഷയെ ഇല്ലാതാക്കുകയാണ്. അടിമത്തം സ്ഥാപിക്കാനുള്ള ആദ്യ വഴിയാണത്.

 ആകാശം,​ ഭൂമി,​ ജീവശ്വാസം

വൈശാഖൻ

ആശയവിനിമയത്തിനു മാത്രമുളള ഉപാധിയല്ല നമ്മുടെ മലയാള ഭാഷ. അതിനപ്പുറത്തും നമ്മുടെ ഭാഷയ്ക്ക് പ്രാധാന്യമുണ്ട്. മലയാള ഭാഷ വിശാലമായതും മഹത്തായതുമായ ഒരു സംസ്‌കാരമാണ്. നമുക്ക് ഏറ്റവും നന്നായി ആശയവിനിമയം നടത്താൻ കഴിയുന്നത് മലയാളത്തിലൂടെയാണ്. മലയാളം അറിയുന്നവർക്ക് ലോകത്തെ ഏതു ഭാഷയും എളുപ്പത്തിൽ ഉൾക്കൊള്ളാനും കൈകാര്യം ചെയ്യാനും കഴിയും. ഏത് ആശയവും ആവിഷ്‌കരിക്കാൻ മലയാളത്തിലൂടെ കഴിയും. കോടതിഭാഷയായാലും ഔദ്യോഗികഭാഷ എന്ന നിലയിലായാലും മലയാളം ഏറ്റവും അനുയോജ്യം.

എനിക്ക് മറ്റു സംസ്ഥാനങ്ങളിൽ ജോലി ചെയ്യേണ്ടിവന്നപ്പോൾ നാടുമായുളള പൊക്കിൾക്കൊടി ബന്ധമായിരുന്നു മലയാളം. അതുകൊണ്ടാണ് അന്യസംസ്ഥാനങ്ങളിൽ ആയിരുന്നപ്പോഴും ഞാൻ കഥകൾ എഴുതിക്കൊണ്ടിരുന്നത്. ഏതു മലയാളിയുടെയും ആകാശവും ഭൂമിയും ജീവശ്വാസവുമാണ് മലയാളഭാഷ.

 എന്തും പഠിക്കാം,​ സ്വന്തം ഭാഷയിൽ

ഹരികുമാർ ചങ്ങമ്പുഴ

പ്രാഥമിക വിദ്യാഭ്യാസവും ഉന്നത വിദ്യാഭ്യാസവും മാതൃഭാഷയിൽത്തന്നെയാണ് ഉചിതം. മാതൃഭാഷയിലൂടെ ലളിതമായി ഗ്രഹിക്കാം, ചിന്തിക്കാം. ആർക്കിമിഡീസ് തത്വം ഏതു ഭാഷയിലും പഠിപ്പിക്കാമെങ്കിലും കുട്ടിക്ക് എളുപ്പം മനസ്സിലാവുക മാതൃഭാഷയിലാണ്. എല്ലാ വൈജ്ഞാനിക വിഷയങ്ങൾക്കും ഇത് ബാധകമാണ്.

മറ്റു ഭാഷയിലൂടെ പഠിക്കുമ്പോൾ വിദ്യാർത്ഥികൾ 75% ഉൗർജ്ജം അധികം വ്യയം ചെയ്യണം. നമ്മുടെ വിദ്യാർത്ഥികളുടെ പഠനശേഷിയുടെ ന്യൂനതകൾക്കുള്ള മുഖ്യകാരണം ഈ പ്രശ്നമാണ്. അന്യഭാഷയിലൂടെയുള്ള പഠനത്തിന് പണവും സമ്പത്തും അനിവാര്യമായി വരുന്നുമുണ്ട്. മഹാഭൂരിപക്ഷം വരുന്ന ദളിതരും ആദിവാസികളും ആധുനിക പഠനസമ്പ്രദായങ്ങളിൽ നിന്ന് വെളിയിൽ നിൽക്കേണ്ടിയും വരുന്നു. സ്വയംപര്യാപ്തമാകണമെങ്കിൽ വൈജ്ഞാനികമായ ഉന്നതിയും ആർജ്ജിക്കേണ്ടതുണ്ട്. ആഗോളവത്കൃത സമൂഹത്തിൽ പ്രാദേശികമായ സംസ്കൃതികൾ ഇല്ലാതാക്കുകയും ഇല്ലാതാവുകയും ചെയ്യുന്നുണ്ട്. പ്രാദേശിക ഭാഷകളും ഇതോടൊപ്പം ഇല്ലാതാകുന്നു. ഒരു ജനതയുടെ സ്വത്വവും ഇതിലൂടെ നഷ്ടമാവുകയാണ്.

(എം.ജി.സർവകലാശാലാ സ്കൂൾ ഒഫ് ലെറ്രേഴ്സ് അസോ. പ്രൊഫസർ ആയ ലേഖകൻ മഹാകവി ചങ്ങമ്പുഴ കൃഷ്ണപിള്ളയുടെ ചെറുമകനാണ്)​