കണ്ണൂർ: ജില്ലയിലെ സമാധാന അന്തരീക്ഷം തകർക്കുകയാണ് ബി.ജെ.പിയും സി.പി.എമ്മും ചെയ്യുന്നതെന്ന് ഡി.സി.സി പ്രസിഡന്റ് മാർട്ടിൻ ജോർജ് പറഞ്ഞു. ഉത്സവപ്പറമ്പുകൾ രാഷ്ട്രീയ പാർട്ടികളുടെ കേന്ദ്രങ്ങളായി മാറിയിരിക്കുകയാണ്. സി.പി.എമ്മും ബി.ജെ.പിയും ഉത്സവ കമ്മി​റ്റികൾ പിടിച്ചെടുക്കുകയാണ്. അതിനാൽ ഇവർ തമ്മിലുള്ള രാഷ്ട്രീയ സംഘർഷങ്ങളും ജില്ലയിൽ പതിവായിരിക്കുകയാണ്. അക്രമരാഷ്ട്രീയം നടത്തുന്ന ബി.ജെ.പിയെയും സി.പി.എമ്മിനെയും ഒ​റ്റപ്പെടുത്തണമെന്നും അദ്ദേഹം പറഞ്ഞു.