കാസർകോട്: കണ്ണൂർ സർവകലാശാല യൂണിയൻ കലോത്സവം മാർച്ച് 23 മുതൽ 27 വരെ കാസർകോട് ഗവൺമെന്റ് കോളേജിൽ നടക്കും.അഞ്ച് ദിവസങ്ങളിലായി 120 ഓളം ഇനങ്ങളിൽ മത്സരങ്ങൾ നടക്കും സംഘാടകസമിതി രൂപീകരണ യോഗം രാജ്മോഹൻ ഉണ്ണിത്താൻ എം പി ഉദ്ഘാടനം ചെയ്തു. എൻ.എ നെല്ലിക്കുന്ന് എം.എൽ.എയാണ് സ്വാഗതസംഘം ചെയർമാൻ.
സംഘാടക സമിതി രൂപീകരണ ചടങ്ങിൽ കണ്ണൂർ സർവ്വകലാശാല യൂണിയൻ ചെയർമാൻ അഡ്വ. എം. കെ. ഹസൻ അദ്ധ്യക്ഷത വഹിച്ചു. രാജ്മോഹൻ ഉണ്ണിത്താൻ എം.പി ഉദ്ഘാടനം ചെയ്തു. മുൻ സെനറ്റ് അംഗം ആൽബിൽ മാത്യുവാണ് സ്വാഗതസംഘം കൺവീനർ. നഗരസഭ ചെയർമാൻ അഡ്വ.വി.എം. മുനീറാണ് വൈസ് ചെയർമാൻ. 501 അംഗ സംഘാടക സമിതിയും 101 അംഗ എക്സിക്യൂട്ടീവ് കമ്മിറ്റിയും രൂപീകരിച്ചു. കലോത്സവത്തിന്റെ സുഗമമായ നടത്തിപ്പിനായി 20 സബ് കമ്മിറ്റികളും നിലനിൽ വന്നു. സി. എച്ച്. കുഞ്ഞമ്പു എം.എൽ.എ , സി.എ.സൈമ (കാസർകോട് ബ്ലോക്ക് പഞ്ചായത്ത് പ്രസിഡന്റ്), അബ്ബാസ് ബീഗം ( നഗരസഭാ സ്റ്റാൻഡിംഗ് കമ്മിറ്റി ചെയർമാൻ), ടൗൺ ഇൻസ്‌പെക്ടർ പി.അജിത് കുമാർ, സിൻഡിക്കേറ്റ് അംഗങ്ങളായ ഡോ. എ.അശോകൻ , പ്രമോദ് വെള്ളച്ചാൽ, ഡോ.രാഖി രാഘവൻ, സ്റ്റുഡൻസ് സർവീസ് ഡയറക്ടർ ഡോ.നഫീസ ബേബി , ഗവ. കോളേജ് പ്രിൻസിപ്പാൾ ഡോ. ഹരി കുറുപ്പ് പ്രസംഗിച്ചു. കണ്ണൂർ സർവ്വകലാശാല വിദ്യാർത്ഥി യൂണിയൻ ജനറൽ സെക്രട്ടറി കെ.വി.ശില്പ സ്വാഗതവും ജില്ലാ എക്സിക്യൂട്ടീവ് അംഗം ബി.കെ.ഷൈജിന നന്ദിയും പറഞ്ഞു.
മാർച്ച് 23 മുതൽ 27 വരെ കാസർകോട് ഗവൺമെന്റ് കോളേജിൽ നടക്കുന്ന കണ്ണൂർ സർവകലാശാല യൂണിയൻ കലോത്സവ സംഘാടക സമിതി യോഗം രാജ്മോഹൻ ഉണ്ണിത്താൻ എം പി ഉദ്ഘാടനം ചെയ്യുന്നു