കോഴിക്കോട്: ജില്ലയിൽ 4,234 പേർക്ക് കൂടി കൊവിഡ് സ്ഥിരീകരിച്ചു. ടി.പി.ആർ 37. 43 ശതമാനം. 4,160 പേർക്കും സമ്പർക്കം വഴിയാണ് രോഗബാധ. ഉറവിടം വ്യക്തമല്ലാത്ത 36 പേർക്കും സംസ്ഥാനത്തിന് പുറത്തു നിന്നു വന്ന 30 പേർക്കും എട്ട് ആരോഗ്യ പ്രവർത്തകർക്കും ഇന്നലെ പോസിറ്റീവായി. ഇതുവരെ റിപ്പോർട്ട് ചെയ്യപ്പെട്ട മരണം 5,007.

കഴിഞ്ഞ 24 മണിക്കൂറിനിടെ 11,309 പേരെയാണ് പരിശോധനയ്ക്ക് വിധേയരാക്കിയത്. 4,355 പേർ കൂടി രോഗമുക്തി നേടി. നിലവിൽ 30,806 പേരാണ് കൊവിഡ് ബാധിതരായുള്ളത്. 39,509 പേർ ക്വാറന്റൈനിലുണ്ട്.

ചികിത്സയിലുളളവർ: സർക്കാർ ആശുപത്രികളിൽ 325, സ്വകാര്യ ആശുപത്രികളിൽ 726, സെക്കൻഡ് ലൈൻ ട്രീറ്റ്‌മെന്റ് സെന്ററുകളിൽ 20, ഫസ്റ്റ് ലൈൻ ട്രീറ്റ്‌മെന്റ് സെന്ററുകളിൽ 23, വീടുകളിൽ 25,474.