കൽപ്പറ്റ: ജില്ലയിൽ ഇന്നലെ 1504 പേർക്ക് കൂടി കൊവിഡ് സ്ഥിരീകരിച്ചു. 1374 പേർ രോഗമുക്തി നേടി. 17 ആരോഗ്യ പ്രവർത്തകർ ഉൾപ്പെടെ 1501 പേർക്ക് സമ്പർക്കത്തിലൂടെയാണ് രോഗബാധ. കൂടാതെ ഇതര സംസ്ഥാനത്ത് നിന്ന് വന്ന മൂന്ന് പേർക്കും രോഗം സ്ഥിരീകരിച്ചു.

ഇതോടെ ജില്ലയിൽ ഇതുവരെ കൊവിഡ് സ്ഥിരീകരിച്ചവരുടെ എണ്ണം 156752 ആയി. 145182 പേർ രോഗമുക്തരായി. നിലവിൽ 9237 പേരാണ് ചികിത്സയിലുള്ളത്. ഇവരിൽ 8939 പേർ വീടുകളിലാണ് ഐസൊലേഷനിൽ കഴിയുന്നത്.

829 കൊവിഡ് മരണം ജില്ലയിൽ ഇതുവരെ സ്ഥിരീകരിച്ചു. പുതുതായി നിരീക്ഷണത്തിലായ 1667 പേർ ഉൾപ്പെടെ ആകെ 10478 പേർ നിലവിൽ നിരീക്ഷണത്തിലുണ്ട്. ജില്ലയിൽ നിന്ന് 1305 സാമ്പിളുകൾ ഇന്നലെ പരിശോധനയ്ക്ക് അയച്ചു. നിലവിൽ ജില്ലയിൽ 13 ആക്ടീവ് കൊവിഡ് ക്ലസ്റ്ററുകളാണ് ഉളളത്.