കൽപ്പറ്റ: ജില്ലയിൽ ഇന്നലെ 923 പേർക്ക് കൂടി കൊവിഡ് സ്ഥിരീകരിച്ചു. 1416 പേർ രോഗമുക്തി നേടി. 17 ആരോഗ്യ പ്രവർത്തകർ ഉൾപ്പെടെ 921 പേർക്ക് സമ്പർക്കത്തിലൂടെയാണ് രോഗബാധ. വിദേശത്തു നിന്ന് വന്ന ഒരാൾക്കും ഇതര സംസ്ഥാനത്തിൽ നിന്ന് വന്ന ഒരാൾക്കും രോഗം സ്ഥിരീകരിച്ചു .

ഇതോടെ ജില്ലയിൽ ഇതുവരെ കൊവിഡ് സ്ഥിരീകരിച്ചവരുടെ എണ്ണം 158877 ആയി. 147944 പേർ രോഗമുക്തരായി.നിലവിൽ 9172 പേരാണ് ചികിത്സയിലുള്ളത്. ഇവരിൽ 8853 പേർ വീടുകളിലാണ് ഐസൊലേഷനിൽ കഴിയുന്നത്.

838 കൊവിഡ് മരണം ജില്ലയിൽ ഇതുവരെ സ്ഥിരീകരിച്ചു. പുതുതായി നിരീക്ഷണത്തിലായ 1251 പേർ ഉൾപ്പെടെ ആകെ 10370 പേർ നിലവിൽ നിരീക്ഷണത്തിലുണ്ട്. ജില്ലയിൽ നിന്ന് 1535 സാമ്പിളുകൾ ഇന്നലെ പരിശോധനയ്ക്ക് അയച്ചു. നിലവിൽ ജില്ലയിൽ 14 ആക്ടീവ് കൊവിഡ് ക്ലസ്റ്ററാണ് ഉളളത്.