കൽപ്പറ്റ: ജില്ലയിൽ ഇന്നലെ 617 പേർക്ക് കൂടി കൊവിഡ് സ്ഥിരീകരിച്ചു. 1296 പേർ രോഗമുക്തി നേടി. 10 ആരോഗ്യ പ്രവർത്തകർ ഉൾപ്പെടെ 614 പേർക്ക് സമ്പർക്കത്തിലൂടെയാണ് രോഗബാധ. വിദേശത്തു നിന്ന് വന്ന ഒരാൾക്കും ഇതര സംസ്ഥാനത്തിൽ നിന്ന് വന്ന 2 പേർക്കും രോഗം സ്ഥിരീകരിച്ചു.

ഇതോടെ ജില്ലയിൽ ഇതുവരെ കൊവിഡ് സ്ഥിരീകരിച്ചവരുടെ എണ്ണം 160319 ആയി. 150835 പേർ രോഗമുക്തരായി. നിലവിൽ 8022 പേരാണ് ചികിത്സയിലുള്ളത്. ഇവരിൽ 7726 പേർ വീടുകളിലാണ് ഐസൊലേഷനിൽ കഴിയുന്നത്. 845 കൊവിഡ് മരണം ജില്ലയിൽ ഇതുവരെ സ്ഥിരീകരിച്ചു. പുതുതായി നിരീക്ഷണത്തിലായ 835 പേർ ഉൾപ്പെടെ ആകെ 8770 പേർ നിലവിൽ നിരീക്ഷണത്തിലുണ്ട്. ജില്ലയിൽ നിന്ന് 1007 സാമ്പിളുകൾ ഇന്നലെ പരിശോധനയ്ക്ക് അയച്ചു. നിലവിൽ ജില്ലയിൽ 7 ആക്ടീവ് കൊവിഡ് ക്ലസ്റ്ററുകളാണ് ഉളളത്.