കൽപ്പറ്റ: ജില്ലയിൽ ഇന്നലെ 638 പേർക്ക് കൂടി കൊവിഡ് സ്ഥിരീകരിച്ചു. 1579 പേർ രോഗമുക്തി നേടി. 24 ആരോഗ്യ പ്രവർത്തകർ ഉൾപ്പെടെ എല്ലാവർക്കും സമ്പർക്കത്തിലൂടെയാണ് രോഗബാധ. ഇതോടെ ജില്ലയിൽ ഇതുവരെ കൊവിഡ് സ്ഥിരീകരിച്ചവരുടെ എണ്ണം 162272 ആയി. 154433 പേർ രോഗമുക്തരായി. നിലവിൽ 6339 പേരാണ് ചികിത്സയിലുള്ളത്. ഇവരിൽ 6107 പേർ വീടുകളിലാണ് ഐസൊലേഷനിൽ കഴിയുന്നത്.

862 കൊവിഡ് മരണം ജില്ലയിൽ ഇതുവരെ സ്ഥിരീകരിച്ചു. പുതുതായി നിരീക്ഷണത്തിലായ 806 പേർ ഉൾപ്പെടെ ആകെ 6339 പേർ നിലവിൽ നിരീക്ഷണത്തിലുണ്ട്. ജില്ലയിൽ നിന്ന് 785 സാമ്പിളുകൾ ഇന്നലെ പരിശോധനയ്ക്ക് അയച്ചു. നിലവിൽ ജില്ലയിൽ 8 ആക്ടീവ് കൊവിഡ് ക്ലസ്റ്ററാണ് ഉളളത്.