കൽപ്പറ്റ: ജില്ലയിൽ ഇന്നലെ 557 പേർക്ക് കൂടി കൊവിഡ് സ്ഥിരീകരിച്ചു. 1479 പേർ രോഗമുക്തി നേടി. 17 ആരോഗ്യ പ്രവർത്തകർ ഉൾപ്പെടെ 556 പേർക്ക് സമ്പർക്കത്തിലൂടെയാണ് രോഗബാധ. വിദേശത്ത് നിന്നെത്തിയ ഒരാൾക്കും രോഗം പിടിപെട്ടു. ഇതോടെ ജില്ലയിൽ ഇതുവരെ കൊവിഡ് സ്ഥിരീകരിച്ചവരുടെ എണ്ണം 162829 ആയി. 155912 പേർ രോഗമുക്തരായി. നിലവിൽ 5493 പേരാണ് ചികിത്സയിലുള്ളത്. ഇവരിൽ 5287 പേർ വീടുകളിലാണ് ഐസൊലേഷനിൽ കഴിയുന്നത്. 867 കൊവിഡ് മരണം ജില്ലയിൽ ഇതുവരെ സ്ഥിരീകരിച്ചു. പുതുതായി നിരീക്ഷണത്തിലായ 626 പേർ ഉൾപ്പെടെ ആകെ 5493 പേർ നിലവിൽ നിരീക്ഷണത്തിലുണ്ട്. ജില്ലയിൽ നിന്ന് 861 സാമ്പിളുകൾ ഇന്നലെ പരിശോധനയ്ക്ക് അയച്ചു. നിലവിൽ ജില്ലയിൽ 8 ആക്ടീവ് കൊവിഡ് ക്ലസ്റ്ററാണ് ഉളളത്.