കൽപ്പറ്റ: ജില്ലയിൽ ഇന്നലെ 427 പേർക്ക് കൂടി കൊവിഡ് സ്ഥിരീകരിച്ചു. 1160 പേർ രോഗമുക്തി നേടി. 8 ആരോഗ്യ പ്രവർത്തകർ ഉൾപ്പെടെ എല്ലാവർക്കും സമ്പർക്കത്തിലൂടെയാണ് രോഗബാധ. ഇതോടെ ജില്ലയിൽ ഇതുവരെ കൊവിഡ് സ്ഥിരീകരിച്ചവരുടെ എണ്ണം 163256 ആയി. 157072 പേർ രോഗമുക്തരായി. നിലവിൽ 4887 പേരാണ് ചികിത്സയിലുള്ളത്. ഇവരിൽ 4698 പേർ വീടുകളിലാണ് ഐസൊലേഷനിൽ കഴിയുന്നത്. 870 കൊവിഡ് മരണം ജില്ലയിൽ ഇതുവരെ സ്ഥിരീകരിച്ചു. പുതുതായി നിരീക്ഷണത്തിലായ 574 പേർ ഉൾപ്പെടെ ആകെ 4887 പേർ നിലവിൽ നിരീക്ഷണത്തിലുണ്ട്. ജില്ലയിൽ നിന്ന് 1243 സാമ്പിളുകൾ ഇന്നലെ പരിശോധനയ്ക്ക് അയച്ചു.