കൽപ്പറ്റ: ജില്ലയിൽ ഇന്നലെ 495 പേർക്ക് കൂടി കൊവിഡ് സ്ഥിരീകരിച്ചു. 511 പേർ രോഗമുക്തി നേടി. 6 ആരോഗ്യ പ്രവർത്തകർ ഉൾപ്പെടെ 494 പേർക്ക് സമ്പർക്കത്തിലൂടെയാണ് രോഗബാധ. വിദേശത്ത് നിന്ന് എത്തിയ ഒരാൾക്കും രോഗം സ്ഥിരീകരിച്ചു. ഇതോടെ ജില്ലയിൽ ഇതുവരെ കൊവിഡ് സ്ഥിരീകരിച്ചവരുടെ എണ്ണം 164704 ആയി. 159930 പേർ രോഗമുക്തരായി. നിലവിൽ 3393 പേരാണ് ചികിത്സയിലുള്ളത്. ഇവരിൽ 3256 പേർ വീടുകളിലാണ് ഐസൊലേഷനിൽ കഴിയുന്നത്. 886 കൊവിഡ് മരണം ജില്ലയിൽ ഇതുവരെ സ്ഥിരീകരിച്ചു. പുതുതായി നിരീക്ഷണത്തിലായ 301 പേർ ഉൾപ്പെടെ ആകെ 3393 പേർ നിലവിൽ നിരീക്ഷണത്തിലുണ്ട്. ജില്ലയിൽ നിന്ന് 739 സാമ്പിളുകൾ ഇന്നലെ പരിശോധനയ്ക്ക് അയച്ചു.