കൽപ്പറ്റ: ജില്ലയിൽ ഇന്നലെ 332 പേർക്ക് കൂടി കൊവിഡ് സ്ഥിരീകരിച്ചു. 780 പേർ രോഗമുക്തി നേടി. 10 ആരോഗ്യ പ്രവർത്തകർ ഉൾപ്പെടെ എല്ലാവർക്കും സമ്പർക്കത്തിലൂടെയാണ് രോഗബാധ. ഇതോടെ ജില്ലയിൽ ഇതുവരെ കൊവിഡ് സ്ഥിരീകരിച്ചവരുടെ എണ്ണം 165036 ആയി. 160710 പേർ രോഗമുക്തരായി. നിലവിൽ 3108 പേരാണ് ചികിത്സയിലുള്ളത്. ഇവരിൽ 2980 പേർ വീടുകളിലാണ് ഐസൊലേഷനിൽ കഴിയുന്നത്.

886 കൊവിഡ് മരണം ജില്ലയിൽ ഇതുവരെ സ്ഥിരീകരിച്ചു. പുതുതായി നിരീക്ഷണത്തിലായ 495 പേർ ഉൾപ്പെടെ ആകെ 3108 പേർ നിലവിൽ നിരീക്ഷണത്തിലുണ്ട്. ജില്ലയിൽ നിന്ന് 418 സാമ്പിളുകൾ ഇന്നലെ പരിശോധനയ്ക്ക് അയച്ചു.