കൽപ്പറ്റ: ജില്ലയിൽ ഇന്നലെ 296 പേർക്ക് കൂടി കൊവിഡ് സ്ഥിരീകരിച്ചു. 424 പേർ രോഗമുക്തി നേടി. 2 ആരോഗ്യ പ്രവർത്തകർ ഉൾപ്പെടെ 296 പേർക്ക് സമ്പർക്കത്തിലൂടെയാണ് രോഗബാധ. ഇതോടെ കൊവിഡ് സ്ഥിരീകരിച്ചവരുടെ എണ്ണം 1,65930 ആയി.1,62335 പേർ രോഗമുക്തരായി. നിലവിൽ 2410 പേരാണ് ചികിത്സയിലുള്ളത്. ഇവരിൽ 2304 പേർ വീടുകളിലാണ് നിരീക്ഷണത്തിൽ കഴിയുന്നത്. ഇതുവരെ 900 കൊവിഡ് മരണം സ്ഥിരീകരിച്ചു. പുതുതായി നിരീക്ഷണത്തിലായ 285 പേർ ഉൾപ്പെടെ ആകെ 2410 പേർ നിലവിൽ നിരീക്ഷണത്തിലുണ്ട്. 392 സാമ്പിളുകൾ ഇന്നലെ പരിശോധനയ്ക്ക് അയച്ചു.