​രാമനാട്ടുകര:​ മാർച്ച് 11, 12, 13 തിയതികളിൽ പാറമ്മൽ ഗ്രന്ഥാലയം ആൻഡ് വായനശാലയിൽ നടത്തുന്ന ജി​ല്ലാതല നാടക പരിശീലന ക്യാമ്പിന് സ്വാഗതസംഘമായി. യോഗം ജി​ല്ലാ ​ലൈബ്രറി കൗൺസിൽ സെക്രട്ടറി കെ.കെ.ബാലചന്ദ്രൻ ഉദ്ഘാടനം ചെയ്തു. ​വാഴയൂർ ​ഗ്രാമപഞ്ചായത്ത് മെമ്പർ എ​.​വി.അനിൽകുമാർ ചെയർമാനും ജില്ലാ ലൈബ്രറി കൗൺസിൽ പ്രവർത്തക സമിതി അംഗം കെ.കൃഷ്ണൻ ജനറൽ കൺവീനറുമായി 101 അംഗ സ്വാഗതസംഘം രൂപീകരിച്ചു. നാല് സബ് കമ്മിറ്റികൾക്കും രൂപം നൽകി. ഗ്രന്ഥാലയം പ്രസിഡന്റ് എ.രാധ ​അ​ദ്ധ്യക്ഷത വഹിച്ചു. താലൂക്ക് സെക്രട്ടറി ടി.മോഹൻദാസൻ, കോ-ഓർഡിനേറ്റർ ഇ.പി പവിത്രൻ, പി.സുബ്രഹ്മണ്യൻ,​ പി.കെ.വിനോദ് കുമാർ , മോഹൻ കാരാട്, വിജയൻ മംഗലത്ത് ,കെ.എം.വേണുഗോപാൽ, ടി. ഷാജി , ടി.കെ.സുനിൽകുമാർ, കെ.കൃഷ്ണൻ , എ.വി.വിജയൻ എന്നിവർ സംസാരിച്ചു .