കൽപ്പറ്റ: ജില്ലയിൽ ഇന്നലെ 230 പേർക്ക് കൂടി കൊവിഡ് സ്ഥിരീകരിച്ചു. 285 പേർ രോഗമുക്തി നേടി. 5 ആരോഗ്യ പ്രവർത്തകർ ഉൾപ്പെടെ എല്ലാവർക്കും സമ്പർക്കത്തിലൂടെയാണ് രോഗബാധ. ഇതോടെ ജില്ലയിൽ ഇതുവരെ കൊവിഡ് സ്ഥിരീകരിച്ചവരുടെ എണ്ണം 166497 ആയി. 163286 പേർ രോഗമുക്തരായി. നിലവിൽ 2078 പേർ ചികിത്സയിലുണ്ട്. ഇവരിൽ 1980 പേർ വീടുകളിലാണ് ഐസൊലേഷനിൽ കഴിയുന്നത്. 903 കൊവിഡ് മരണം ജില്ലയിൽ ഇതുവരെ സ്ഥിരീകരിച്ചു. പുതുതായി നിരീക്ഷണത്തിലായ 222 പേർ ഉൾപ്പെടെ ആകെ 2078 പേർ നിലവിൽ നിരീക്ഷണത്തിലുണ്ട്. ജില്ലയിൽ നിന്ന് 447 സാമ്പിളുകൾ ഇന്നലെ പരിശോധനയ്ക്ക് അയച്ചു.