തലയോലപ്പറമ്പ് : സ്കൂൾ വളപ്പിലെ തടി അനധികൃതമായി വെട്ടിവില്പന നടത്തിയ സംഭവത്തിൽ നടപടി വേണമെന്ന് യൂത്ത് കോൺഗ്രസ് മറവൻതുരുത്ത് മണ്ഡലം കമ്മി​റ്റി ആവശ്യപ്പെട്ടു. ഗവ. യു.പി സ്കൂൾ വളപ്പിൽ നിന്നിരുന്ന വർഷങ്ങൾ പഴക്കമുള്ള ഒരു ലക്ഷം രൂപയോളം വിലവരുന്ന പ്ലാവാണ് വെട്ടിമാ​റ്റിയത്. പൊതു സ്ഥലത്തു നിന്ന് മരങ്ങൾ മുറിച്ചു മാ​റ്റുന്നതിനും വില്പന നടത്തുന്നതിനും നിയമപരമായ നടപടിക്രമങ്ങൾ പാലിക്കാതെയാണ് വൻമരം വെട്ടിമാ​റ്റിയത്. സംഭവത്തെക്കുറിച്ച് അന്വേഷിച്ച് ഉത്തരവാദികൾക്കെതിരെ നിയമ നടപടികൾ സ്വീകരിച്ചില്ലങ്കിൽ സമര പരിപാടികൾ സംഘടിപ്പിക്കുമെന്ന് ഭാരവാഹികൾ പറഞ്ഞു.