നെടുങ്കണ്ടം: സാക്ഷരതാ മിഷന്റെ നേതൃത്വത്തിൽ അന്യസംസ്ഥാന തൊഴിലാളികൾക്ക് മലയാളം പറയാൻ പരിശീലനം ഒരുങ്ങുന്നു. ചങ്ങാതി സാക്ഷരതാ പരിപാടിയിലൂടെയാണ് തോട്ടം മേഖലയിൽ ജോലി ചെയ്യുന്ന അന്യ സംസ്ഥാന തൊഴിലാളികൾക്ക് മലയാളത്തിന്റെ മധുരം നുണയാൻ അവസരം ഒരുങ്ങുന്നത്. ഇതോടൊപ്പം ആരോഗ്യം, പരിസ്ഥിതി, നിയമം തുടങ്ങിയ വിഷയങ്ങളിലും കേരളത്തിന്റെ സാമൂഹ്യ, സാംസ്‌കാരിക ജീവിത രീതികളെ കുറിച്ചും ബോധവത്കരണം നൽകും. അന്യ സംസ്ഥാന തൊഴിലാളികളും നാട്ടുകാരും തമ്മിലുള്ള ഭാഷാ പ്രശ്നം പരിഹരിക്കാും ബന്ധം കൂടുതൽ ദൃഢമാക്കാനും പദ്ധതി ലക്ഷ്യമിടുന്നുണ്ട്. ഇത് മാത്രമല്ല സംസ്ഥാന സാക്ഷരതാ മിഷൻ ഇപ്പോൾ നടപ്പാക്കിവരുന്ന തുല്യതാ പദ്ധതിയിലൂടെ തുടർ പഠനത്തിനും അവസരം ഒരുക്കും.