പീരുമേട്: പീഡനക്കേസിൽ ജാമ്യത്തിലിറങ്ങി അതെ പെൺകുട്ടിയെ വീണ്ടും തട്ടിക്കൊണ്ട് പോയി പീഡിപ്പിച്ചയാൾ അറസ്റ്റിൽ. മഞ്ചുമല എസ്റ്റേറ്റ് ലയത്തിൽ വിഘ്‌നേശ് (22 ) ആണ് അറസ്റ്റിലായത്. ഇത് മൂന്നാം തവണയാണ് യുവാവ് പോക്‌സോ കേസിൽ അറസ്റ്റിലാകുന്നത്. മൂന്ന് തവണയും ഒരേ പെൺകുട്ടിയെ തന്നെയാണ് പീഡനത്തിനിരയാക്കിയത്. 2019ലാണ് ആദ്യം അറസ്റ്റിലാകുന്നത്. തുടർന്നു ജാമ്യത്തിലിറങ്ങിയ പ്രതി ഇതേ പെൺകുട്ടിയെ പീഡിപ്പിച്ച കേസ്സിൽ 2021 ൽ അറസ്റ്റിലായി. കഴിഞ്ഞ ദിവസം ജാമ്യത്തിലിറങ്ങിയ ഇയാൾ പെൺകുട്ടിയുമായി തമിഴ്‌നാട്ടിലേക്ക് കടന്നു. കുട്ടിയുടെ മാതാവ് നൽകിയ പരാതിയിൽ പൊലീസ് തമിഴ്‌നാട്ടിൽ നിന്നും പ്രതിയെയും പെൺകുട്ടിയെയും കണ്ടെത്തുകയായിരുന്നു.