പാലാ : പ്രാദേശിക സർക്കാർ സ്ഥാപനങ്ങളിൽ നിന്ന് പൊതുജനങ്ങൾക്ക് ലഭ്യമാകേണ്ട എല്ലാ സേവനങ്ങളും ഒരുകുടക്കീഴിൽ ലഭ്യമാക്കുന്നതിനുള്ള പൊതുസംവിധാനമായ സിറ്റിസൺ പോർട്ടൽ സംബന്ധിച്ച് പൊതുജനങ്ങളിൽ അവബോധം സൃഷ്ടിക്കുന്നതിനായി ഇന്ന് രാവിലെ 11.45 മുതൽ ഓൺലൈൻ പരിശീലനം നടത്തും. 12 മുതൽ വ്യാപാരസ്ഥാപനങ്ങളുടെ ലൈസൻസ് അപേക്ഷകൾ സമർപ്പിക്കൽ, പുതുക്കൽ എന്നിവ സംബന്ധിച്ചും പരിശീലനം ഉണ്ടായിരിക്കും. പൊതുജനങ്ങൾക്ക് ഓൺലൈനായിട്ട് പങ്കെടുക്കാവുന്നതും, തുടർന്ന് നഗരസഭാ സേവനങ്ങൾക്ക് ഓൺലൈനിലൂടെയും അപേക്ഷകൾ സമർപ്പിക്കാവുന്നതാണന്നും നഗരസഭാ അധികാരികൾ അറിയിച്ചു.