പാറത്തോട്: എസ്.എൻ.ഡി.പി യോഗം പാറത്തോട് പാലപ്ര 1496 ാം നമ്പർ ശാഖാ ശ്രീനാരായണ ഗുരുദേവ ക്ഷേത്രത്തിലെ പഞ്ചലോഹ വിഗഹ പ്രതിഷ്ഠയുടെ 5-ാമത് വാർഷികം 10ന് നടക്കും. ക്ഷേത്രം തന്ത്രി പൂഞ്ഞാർ ബാബു നാരായണൻ മുഖ്യ കാർമ്മികത്വം വഹിക്കും. ക്ഷേത്രം മേൽശാന്തി ഉദയൻ ശാന്തി, അജയൻ ശാന്തി എന്നിവർ സഹകാർമ്മികത്വം വഹിക്കും.
ക്ഷേത്രത്തിൽ 10 ന് രാവിലെ 5.30ന് നിർമ്മാല്യ ദർശനം, 6ന് അഭിഷേകം, ഉഷപൂജ, ഗുരുപൂജ, ഗുരു പുഷ്പാജ്ഞലി, 6.30 മുതൽ അഷ്ടദ്രവ്യ മഹാഗണപതി ഹോമം, 9ന് കലശപൂജ, 10ന് കലശാഭിഷേകം, തുടർന്ന് ഉച്ചപൂജ, വൈകുന്നേരം 7ന് താലപ്പൊലി ഘോഷയാത്ര, താലപ്പൊലി അഭിഷേകം.