വൈക്കം : എസ്.എൻ.ഡി.പി യോഗം 113ാം നമ്പർ ചെമ്മനത്തുകര ശാഖാ ശ്രീനാരായണേശ്വരപുരം സുബ്രഹ്മണ്യസ്വാമി ക്ഷേത്രത്തിലെ പ്രദിക്ഷണ വഴിയിൽ കൃഷ്ണശിലാ പാളികൾ സ്ഥാപിക്കുന്ന ജോലികൾ തുടങ്ങി. ക്ഷേത്രത്തിന് ചു​റ്റുമായി രണ്ടായിരത്തോളം ചതുരശ്രടി ഭാഗങ്ങളിലാണ് കൃഷ്ണശിലാ പാളികൾ പാകുന്നത്. ക്ഷേത്രത്തിൽ നൂറ് വർഷം മുൻപ് ശ്രീനാരായണ ഗുരുദേവൻ നടത്തിയ വേൽ പ്രതിഷ്ഠയുടെ 101-ാം മത് വാർഷികം നടത്തുന്നതിന്റെ മുന്നോടിയായാണ് ക്ഷേത്രമതിൽക്കകം കൃഷ്ണശിലകൾ പാകി മനോഹരമാക്കുന്നത്. മേൽശാന്തി ടി.വി പുരം ഉണ്ണി ചടങ്ങുകൾക്ക് കാർമ്മികത്വം വഹിച്ചു. വൈസ് പ്രസിഡന്റ് നിതീഷ് പ്രകാശ്, യൂണിയൻ കമ്മ​റ്റി അംഗം മധു പുത്തൻതറ, പഞ്ചായത്ത് കമ്മ​റ്റി അംഗം വി.വേലായുധൻ, ബിജു വാഴെക്കാട്, മനോജ് കൊയ്‌ലേഴത്ത്, രഞ്ജിത്ത് കറുകത്തല, പ്രമിൽകുമാർ പ്രണവം എന്നിവർ നേതൃത്വം നൽകി.