കോട്ടയം : ജില്ലാ ഖാദി ഗ്രാമവ്യവസായ ഓഫീസിന്റെ ആഭിമുഖ്യത്തിൽ കളക്ടറേറ്റിൽ സംഘടിപ്പിച്ച ഖാദി വസ്ത്ര വില്പനമേള സമാപിച്ചു. മൂന്ന് ദിവസത്തെമേളയിൽ അഞ്ച് ലക്ഷം രൂപയുടെ വിറ്റു വരവ് ഉണ്ടായതായി ഖാദി പ്രോജക്ട് ഓഫീസർ ഷാജി ജേക്കബ് പറഞ്ഞു. കളക്ടറേറ്റ് ജീവനക്കാരിൽ നിന്ന് മികച്ച പ്രതികരണം ലഭിച്ചു. ഷർട്ടുകൾ, മുണ്ടുകൾ, സാരികൾ എന്നിവയാണ് കൂടുതലായി വിറ്റഴിക്കപ്പെട്ടത്. സർക്കാർ പൊതുമേഖല സഹകരണമേഖലാ ജീവനക്കാരും അദ്ധ്യാപകരും ആഴ്ചയിൽ ഒരു ദിവസം ഖാദി/ കൈത്തറി വസ്ത്രം ധരിക്കണമെന്ന് സർക്കാർ നിർദ്ദേശം നൽകിയിട്ടുള്ള സാഹചര്യത്തിൽ വസ്ത്രങ്ങൾ റിബേറ്റിൽ ലഭ്യമാക്കുന്നതിനാണ് മേള സംഘടിപ്പിച്ചത്.