വൈക്കം : കേന്ദ്ര സർക്കാരിന്റെ തൊഴിലാളിവിരുദ്ധ നയങ്ങൾക്കെതിരെ സംയുക്ത ട്രേഡ് യൂണിയൻ കമ്മി​റ്റിയുടെ ആഭിമുഖ്യത്തിൽ സായാഹ്നധർണ നടത്തി. കച്ചേരിക്കവലയിൽ നടത്തിയ ധർണാസമരം എ.ഐ.ടി.യു.സി ജില്ലാ പ്രസിഡന്റ് ടി.എൻ രമേശൻ ഉദ്ഘാടനം ചെയ്തു. സംസ്ഥാന വർക്കിംഗ് കമ്മി​റ്റി അംഗം ലീനമ്മ ഉദയകുമാർ, കെ.ഡി.വിശ്വനാഥൻ, കെ.എസ് രത്‌നാകരൻ, കെ അജിത്ത്, ഡി ബാബു, പി.വി പുഷ്‌കരൻ, കെ.കെ രമേശൻ, വി.ടി.പ്രതാപൻ, ജെയിംസ്, ജോർജ് വർഗീസ്, കെ.വി ചിത്രാംഗദൻ എന്നിവർ പ്രസംഗിച്ചു.