മുക്കൂട്ടുതറ: എസ്.എൻ.ഡി.പി യോഗം പാണപിലാവ് ശാഖാ 1534 ാം നമ്പർ ശ്രീനാരായണ ഗുരുദേവ ക്ഷേത്രത്തിലെ ആറാമത് പ്രതിഷ്ഠാ വാർഷികം 21ന് നടക്കും. കുറിച്ചി അദ്വൈതവിദ്യാശ്രമം ക്ഷേത്രാചാര്യൻ സ്വാമി ധർമ്മചൈതന്യ, ക്ഷേത്രം തന്ത്രി കുമാരമംഗലത്ത് അജിത്ത് തന്ത്രി, ക്ഷേത്രം മേൽശാന്തി വിഷ്ണു ശാന്തി എന്നിവർ മുഖ്യകാർമ്മികത്വം വഹിക്കും. 21ന് 6.30ന് ഗുരുപൂജ, 7ന് ഗുരുദേവ കൃതിപാരായണം, 8ന് സ്വാമി ധർമ്മചൈതന്യയുടെ പ്രഭാഷണം, 9.30ന് കലശപൂജ, 10.30ന് ഇളനീർ അഭിഷേകം, തുടർന്ന് കാഞ്ഞിരപ്പള്ളി ബ്ലോക്ക് പ്രസിഡന്റും ശാഖാ അംഗവുമായ അജിത രതീഷിന് സ്വീകരണം നൽകും. ഉച്ചയ്ക്ക് ഒന്നിന് പ്രസാദമൂട്ട്, വൈകിട്ട് 6.15ന് ദീപാരാധന, 7.30ന് സമൂഹപ്രാർത്ഥന എന്നിവയോടെ ചടങ്ങ് സമാപിക്കുമെന്ന് ശാഖാ ഭാരവാഹികളായ പ്രസിഡന്റ് മോഹനനൻ പരുത്തുംപാറ, വൈസ് പ്രസിഡന്റ് വിശ്വംഭരൻ ആനക്കല്ലിൽ, ശാഖാ സെക്രട്ടറി ചന്ദ്രബാബു പാറയിൽ എന്നിവർ അറിയിച്ചു.