വൈക്കം : തലയാഴം പഞ്ചായത്തിൽ സാമ്പത്തികമായി പിന്നാക്കം നിൽക്കുന്ന 600 കുടുംബങ്ങൾക്ക് സാമ്പത്തിക ഉന്നമനത്തിനായി മട്ടുപ്പാവിലും അടുക്കള മു​റ്റത്തും കോഴിവളർത്തൽ പദ്ധതി ആവിഷ്‌കരിച്ചു. കോഴികളുടെ വിതരണം പഞ്ചായത്ത് പ്രസിഡന്റ് ബി.എൽ സെബാസ്റ്റ്യൻ നിർവഹിച്ചു. വികസന സ്റ്റാന്റിംഗ് കമ്മ​റ്റി ചെയർമാൻ രമേശ് പി ദാസ്, പഞ്ചായത്ത് മെമ്പർമാരായ കൊച്ചുറാണി, ഷീജ ഹരിദാസ്, കെ. ബിനിമോൻ, ​ടി.മധു, മൃഗാശുപത്രി ഡോക്ടർ ബിജു എന്നിവർ പ്രസംഗിച്ചു.