കോട്ടയം : ജില്ലാ ശിശുക്ഷേമ സമിതിയുടെ നേതൃത്വത്തിൽ ദേശീയ ചിത്രരചനാ മത്സരം സംഘടിപ്പിച്ചു. ചങ്ങനാശേരി ഗവ.ഹയർ സെക്കൻഡറി സ്‌കൂളിൽ നടന്ന മത്സരം അഡ്വ. ജോബ് മൈക്കിൾ എം.എൽ.എ ഉദ്ഘാടനം ചെയ്തു. ശിശുക്ഷേമ സമിതി ജില്ലാ സെക്രട്ടറി കൃഷ്ണകുമാരി രാജശേഖരൻ അദ്ധ്യക്ഷയായി. ജില്ലാ ട്രഷറർ ബി. ആനന്ദക്കുട്ടൻ, വൈസ് പ്രസിഡന്റ് ടി. ശശികുമാർ, സംഘാടകസമിതി കൺവീനർ എ.കെ. ഷാജി, സംസ്ഥാന ശിശുക്ഷേമ സമിതി നിരീക്ഷക കെ. ജ്യോതി, സ്വാഗതസംഘം ചെയർമാൻ ഡോ. പി.കെ. പത്മകുമാർ, ശിശക്ഷേമ സമിതി എക്‌സിക്യൂട്ടീവ് കമ്മിറ്റി അംഗം വി.എം. പ്രദീപ് എന്നിവർ പ്രസംഗിച്ചു.