കോട്ടയം : 1972 ലെ വന്യജീവിസംരക്ഷണ നിയമം കാലോചിതമായി പരിഷ്‌ക്കരിക്കണമെന്ന് കേരള കോൺഗ്രസ് (എം) സംസ്ഥാന ജനറൽ സെക്രട്ടറി സ്റ്റീഫൻ ജോർജ് ആവശ്യപ്പെട്ടു. വന്യജീവി ആക്രമണങ്ങളിൽ നിന്ന് കർഷകരെയും പൊതുജനങ്ങളെയും സംരക്ഷിക്കുക, രാസവള വിലവർദ്ധന പിൻവലിക്കുക, കാർഷിക ഉത്പന്നങ്ങളുടെ അടിസ്ഥാനവില വർദ്ധിപ്പിക്കുക എന്നീ ആവശ്യങ്ങൾ ഉന്നയിച്ച് കർഷക യൂണിയൻ (എം) നടത്തിയ കോട്ടയം ഹെഡ് പോസ്റ്റോഫീസ് ധർണ ഉദ്ഘാടനം ചെയ്യുകയായിരുന്നു അദ്ദേഹം. 2016 മുതൽ 2020 വരെയുള്ള കാലയളവിൽ 23183 വന്യജീവി ആക്രമണമാണ് നടന്നത്. വന്യജീവികൾ നാട്ടിലിറങ്ങി കൃഷിയും ജീവനും നശിപ്പിക്കാതിരിക്കാൻ ആവശ്യമായ ഫെൻസിംഗ് നടത്തണമെന്നും അദ്ദേഹം ആവശ്യപ്പെട്ടു.