ചങ്ങനാശേരി : സമുദായാചാര്യൻ മന്നത്തുപത്മനാഭന്റെ 52ാ മത് ചരമവാർഷികം 25 ന് ഭക്തിനിർഭരമായ ചടങ്ങുകളോടെ സംസ്ഥാനവ്യാപകമായി ആചരിക്കുമെന്ന് എൻ.എസ്.എസ് ജനറൽ സെക്രട്ടറി ജി.സുകുമാരൻ നായർ അറിയിച്ചു. മന്നം സമാധി മണ്ഡപത്തിൽ ഭക്തിഗാനാലാപനവും, പുഷ്പാർച്ചനയും, ഉപവാസവും, സമൂഹപ്രാർത്ഥനയും പതിവുപോലെ നടത്തും. രാവിലെ 6 മുതൽ 11.45 വരെ നടക്കുന്ന ചടങ്ങിൽ എല്ലാ സമുദായാംഗങ്ങൾക്കും മറ്റ് അഭ്യുദയകാംക്ഷികൾക്കും കൊവിഡ് നിബന്ധനകൾ പാലിച്ച് പങ്കെടുക്കാം. മന്നം സമാധിമണ്ഡപത്തിൽ നടക്കുന്ന ചടങ്ങിൽ പങ്കെടുക്കാൻ കഴിയാതെ വരുന്ന സമുദായാംഗങ്ങൾ എല്ലാ കരയോഗങ്ങളുടെയും, താലൂക്ക് യൂണിയനുകളുടെയും ആഭിമുഖ്യത്തിൽ സമുദായാചാര്യന്റെ ചിത്രത്തിനുമുന്നിൽ നിലവിളക്കുകൊളുത്തി പുഷ്പാർച്ചന നടത്തി പ്രാർത്ഥനാനിരതരായി ഉപവസിക്കും.