കുറവിലങ്ങാട്: കോഴാ നരസിംഹസ്വാമി ക്ഷേത്രത്തിൽ ഉത്സവം കൊടിയേറി. തന്ത്രി നകരക്കാട്ടില്ലത്ത് പ്രകാശൻ നമ്പൂതിരി മുഖ്യകാർമികത്വം വഹിച്ചു. 27ന് പള്ളിവേട്ട.28ന് ആറാട്ടോടെ ഉത്സവം സമാപിക്കും..24,25,26,27 ദിവസങ്ങളിൽ ഉത്സവബലി. രാവിലെ 11.30ന് ഉത്സവബലി ദർശനം.തുടർന്ന് പ്രസാദമൂട്ട്. ഇന്ന് രാത്രി 7ന് കളത്തൂർ ശ്രീകൃഷ്ണ വാദ്യകലാസമിതിയുടെ ചെണ്ടമേളം, നാളെ രാത്രി 7ന് വാഴപ്പള്ളി ഹരിരാഗ് നന്ദൻ അവതരിപ്പിക്കുന്ന സംഗീതസദസ്സ്, 26ന് വൈകിട്ട് 7ന് മീരാ അരുണിന്റെ വീണകച്ചേരി, 27 വൈകിട്ട് 7ന് വൈക്കം ജലജ ആർ അവതരിപ്പിക്കുന്ന സംഗീത സദസ്.ആറാട്ടു ദിവസമായ 28ന് രാവിലെ 9 മുതൽ പനച്ചിക്കാട് വൈഷ്ണവം ഭജൻസിന്റെ ഈശ്വരനാമഘോഷം.തുടർന്ന് ആറാട്ട് സദ്യ.. വൈകിട്ട് 7ന് കൊടിയിറക്ക്, തുടർന്ന് ആറാട്ട്.