സെക്സിന് ശേഷം ലൈംഗികാവയവങ്ങൾ വൃത്തിയായി സൂക്ഷിക്കാൻ സ്ത്രീകളും പുരുഷൻമാരും വളരെയധികം ശ്രദ്ധിക്കണം. മിക്ക അണുബാധയും ഉണ്ടാകുന്നത് ലൈംഗിക ബന്ധത്തിന്‌ ശേഷമായിരിക്കും. ലൈംഗിക ബന്ധത്തിന് ശേഷം നിർബന്ധമായും മൂത്രമൊഴിക്കേണ്ടത്,​ പ്രത്യേകിച്ചും സ്ത്രീകളിൽ ,​ വളരെ പ്രധാനമാണെന്ന് ഗൈനക്കോളജിസ്റ്റുകൾ പറയുന്നു.

സ്ത്രീകളുടെ മൂത്രനാളി പുരുഷന്മാരേക്കാൾ ചെറുതായതിനാൽ ബാക്ടീരിയകൾ എളുപ്പത്തിൽ പ്രവേശിച്ച് മൂത്രനാളിയിലെ അണുബാധയ്ക്ക് (യു.ടി.ഐ)​ കാരണമാകും. ലൈംഗിക ബന്ധത്തിന് ശേഷം മൂത്രമൊഴിക്കുന്നത് വഴി മൂത്രനാളിയിൽ നിന്ന് ബാക്ടീരിയകളെ പുറന്തള്ളാൻ സഹായിക്കും. ഇത് അണുബാധ തടയാൻ സഹായിക്കും.

.മൂത്രം ഒഴിച്ചു കഴിഞ്ഞാൽ വജൈന നന്നായി സാധാരണ ശുദ്ധജലത്തിൽ കഴുകി വൃത്തിയാക്കണം.. ഒരിക്കലും കെമിക്കൽ സോപ്പ് ഇതിനായി ഉപയോഗിക്കരുത്. വജൈനയിലെ അണുബാധ ശാരീരികമായ ക്ഷീണം, ഉറക്ക കൂടുതൽ, അസഹ്യമായ ദുർഗന്ധം, തലവേദന എന്നിവയ്ക്കും കാരണമാകാം. . ലൈംഗികവേളയിൽ അണുക്കൾ മൂത്രനാളിയിലേക്ക് പ്രവേശിച്ചാൽ യു.ടി.ഐ ഉണ്ടാകാനുള്ള സാധ്യത കൂടുതലാണ്.

പുരുഷന്മാരേക്കാൾ സ്ത്രീകൾക്ക് യു.ടി.ഐ ഉണ്ടാകാനുള്ള സാദ്ധ്യത കൂടുതലാണ്. സ്ത്രീകളിൽ മൂത്രനാളി - പുരുഷന്മാരേക്കാൾ ചെറുതും മലദ്വാരത്തോട് അടുക്കുന്നതുമാണ്. അണുക്കൾക്ക് മൂത്രനാളിയിലെത്തുന്നതും മൂത്രസഞ്ചിയിലേക്ക് സഞ്ചരിക്കുന്നതും ഇത് എളുപ്പമാക്കുന്നു. സെക്‌സിന് ശേഷം 30 മിനുട്ടിനുള്ളിൽ തന്നെ മൂത്രമൊഴിക്കാൻ ശ്രമിക്കുക. കൂടുതൽ സമയം കാത്തിരിക്കുകയാണെങ്കിൽ ബാക്ടീരിയ മൂത്രസഞ്ചിയിലേക്ക് എത്താനുള്ള സാധ്യത കൂടുതലാണെന്നും ഡോക്ടർമാർ പറയുന്നു.