റാം സാഗർ തമ്പുരാൻ, ഫോൺ: 8301036352, വാട്സാപ്പ് : 9633721128, ഇ -മെയിൽ : samkhiyarathnam@gmail.com
അശ്വതി: സർക്കാർ ജോലിക്കാർക്ക് സ്ഥലംമാറ്റവും സ്ഥാനലബ്‌ധിയുമുണ്ടാകും. വ്യാപാര വ്യവസായ രംഗങ്ങളിൽ ആസൂത്രിതമായി ജോലി മാറ്റങ്ങൾ വരുത്തും.
ഭരണി:വാഗ‌്സാമർത്ഥ്യത്താലും സത്യസന്ധതയാലും ജനപ്രീതിയും പ്രശംസയുമുണ്ടാകും.ആരോഗ്യ കാര്യത്തിൽ കൂടുതൽ ശ്രദ്ധിക്കുക.
കാർത്തിക: ക്ഷേത്രദർശനം, തീർത്ഥാടനം എന്നിവ നടത്തും, ആത്മാർത്ഥതയുള്ള സുഹൃത്തുക്കൾ വന്നുചേരും.
രോഹിണി: സത്യസന്ധമായും നേർവഴിയോടെയും പ്രവർത്തിക്കും. ബിസിനസുകാർക്ക് മികച്ച ലാഭം പ്രതീക്ഷിക്കാം. ആത്മാർത്ഥതയുള്ള ജോലിക്കാരെ ലഭിക്കും.
മകയിരം:ആത്മവിശ്വാസത്തോടെ മുൻപോട്ട് പോകുവാൻ സാധിക്കും. സഹോദരസ്ഥാനീയരിൽ നിന്നും സഹായസഹകരണങ്ങൾ ലഭിക്കും.
തിരുവാതിര: ഉന്നത ഉദ്യോഗസ്ഥരുമായി അടുത്ത ബന്ധം പുലർത്തും. കർമ്മ മേഖലയിൽ അംഗീകാരവും പുരസ്‌കാരവും ലഭിക്കും.
പുണർതം: സഹപ്രവർത്തകരോട് കർക്കശമായി ഇടപെടും. രാഷ്ട്രീയമേഖലയിൽ പ്രവർത്തിക്കുന്നവർക്ക് കടുത്ത പ്രതിസന്ധി നേരിടേണ്ടി വരും.
പുയം: ബിസിനസ് രംഗത്ത് പ്രവർത്തിക്കുന്നവർ ധാരാളം മത്സരങ്ങൾ നേരിടേണ്ടിവരും. ശത്രുക്കൾ വർദ്ധിക്കുന്നത് പ്രശ്നങ്ങൾക്കിടയാക്കും.
ആയില്യം: ആരോഗ്യപരമായ കാര്യങ്ങളിൽ ശ്രദ്ധ ആവശ്യമാണ്. കോപം മൂലം ബന്ധുക്കൾ അകലും.സാമ്പത്തികപിരിമുറുക്കം ഉണ്ടാകും.
മകം: നിലവിലുള്ള കടബാദ്ധ്യതകൾ വർദ്ധിക്കാതിരിക്കുവാൻ ശ്രദ്ധിക്കണം,പഠനത്തിൽ ശ്രദ്ധ ചെലുത്തിയില്ലെങ്കിൽ പരാജയങ്ങളുണ്ടാകും.
പൂരം: മാനസിക ക്ലേശങ്ങളും കുടുംബജനങ്ങളിൽ നിന്ന് ദു:ഖവും അനുഭവമാകും. ബന്ധുക്കളുമായും സഹോദരങ്ങളുമായും സ്വരചേർച്ച കുറവ് ഉണ്ടാകും.
ഉത്രം: കാര്യങ്ങൾ ബുദ്ധിപരമായി നീക്കിയില്ലെങ്കിൽ കുഴപ്പങ്ങളിൽ ചെന്ന് ചാടും.അകാരണമായി കലഹിക്കാനുള്ള വാസനയുണ്ടാകും.
അത്തം: മേലുദ്യോഗസ്ഥരുടെ അഭിനന്ദനവും അംഗീകാരവും ലഭിക്കും. സുഹൃത്തുക്കൾക്കായി ധാരാളം പണം ചെലവഴിക്കും.
ചിത്തിര: കുടുംബജീവിതത്തിൽ അഭിപ്രായ വ്യത്യാസങ്ങൾ ഉടലെടുക്കുകയും സ്വസ്ഥത ഇല്ലാതാവുകയും ചെയ്യാം.അപവാദങ്ങളും ആരോപണങ്ങളും കേൾക്കേണ്ടിവരും.
ചോതി : മുൻകാലങ്ങളിൽ നടത്തിയിരുന്ന നിക്ഷേപങ്ങളിൽനിന്നും നേട്ടം ലഭിക്കും.വസ്തുക്കൾ വാങ്ങുന്നതിനും അഡ്വാൻസ് നൽകുന്നതിനും നല്ല സമയം.
വിശാഖം: വാഹന സംബന്ധമായ ചെലവുകൾ വർദ്ധിക്കും. നൂതനഗൃഹം വാങ്ങുകയും ആഗ്രഹമനുസരിച്ച് മോടിപിടിപ്പിക്കുകയും ചെയ്യും.
അനിഴം: കുടുംബാംഗങ്ങളുടെ തൃപ്‌തിക്കനുസരിച്ച് തൊഴിൽ ക്രമീകരിക്കേണ്ടിവരും. ബിസിനസ് ആരംഭിക്കുന്നവർ ഓഫീസ് നിർമ്മാണ പ്രവർത്തനങ്ങൾക്ക് തുടക്കമിടും.
കേട്ട:അവിചാരിതതടസങ്ങൾ പലതും അനുഭവപ്പെടുന്നതാണ്. സുഹൃത്തുക്കളിൽനിന്നും സഹോദരങ്ങളിൽനിന്നും സഹായങ്ങൾ ലഭിക്കും.
മൂലം:വാക്‌സാമർത്ഥ്യത്താലും മാധുര്യമുള്ള സംസാരത്താലും അന്യരെ വശീകരിക്കും.കൂടുതൽ ജോലിഭാരം കൊണ്ട് മാനസികവും ശാരീരികവുമായ പ്രശ്നങ്ങൾ അനുഭവപ്പെടും.
പൂരാടം: സഹോദര ഐക്യം ഉണ്ടാകും. വസ്തുക്കളും വാഹനങ്ങളും വാങ്ങും. അന്യർക്കായി ത്യാഗ മനസ്‌കതയോടുകൂടി പ്രവർത്തിക്കും.
ഉത്രാടം:ബന്ധുക്കളുമായി നിലവിലുണ്ടായുന്ന അഭിപ്രായവ്യത്യാസം മാറും. പ്രതീക്ഷിച്ചതിനേക്കാളും നേട്ടമുണ്ടാകും. കർമ്മസംബന്ധമായി ഉയർയും ബഹുമാനവും പ്രശസ്തിയും ഉണ്ടാകും.
തിരുവോണം: ദാമ്പത്യബന്ധത്തിൽ യോജിച്ച തീരുമാനങ്ങളെടുക്കുന്നത് കുടുംബത്തിൽ ഐശ്വര്യമുണ്ടാക്കും. വാഹനം, സ്വർണ്ണാഭരണങ്ങൾ എന്നിവ വാങ്ങും.
അവിട്ടം: സ്വകാര്യ മേഖലയിൽ പ്രവർത്തിക്കുന്നവർക്ക് ഉന്നതസ്ഥാനപ്രാപ്തിയും സ്ഥലമാറ്റവും പ്രതീക്ഷിക്കാം.വിദേശത്ത് ജോലിക്കായി പോകാൻ ആഗ്രഹിക്കുന്നവർക്ക് തടസങ്ങൾ ഉണ്ടാകും.
ചതയം: ജീവിതത്തിൽ പല രീതിയിലും ഉയർച്ചയുണ്ടാകും. ബുദ്ധിപരമായി പ്രവൃത്തിച്ച് പ്രതികൂല സാഹചര്യങ്ങളെ തരണം ചെയ്യും. സന്താനങ്ങൾക്കും സുഹൃത്തുക്കൾക്കും പലവിധ നന്മകളുണ്ടാവും.
പൂരുരുട്ടാതി: ധനകാര്യ സ്ഥാപനങ്ങൾ നടത്തുന്നവർക്ക് കേസുകളും നികുതി വകുപ്പുകളിൽ നിന്ന് ഉപദ്രവവും ഉണ്ടാകും.മാനസികവും ശാരീരികവുമായ വിഷമതകൾ ഉണ്ടാകും.
ഉത്തൃട്ടാതി: വിലപിടിപ്പുള്ള ആഭരണങ്ങളോ യന്ത്ര സാമഗ്രികളോ കളവു പോകുകയോ നഷ്ടപ്പെടുകയോ ചെയ്യും.
രേവതി: ഭൂമിസംബന്ധമായ ക്രയവിക്രയങ്ങളിൽ ഏർപ്പെടുന്നവർക്ക് ധന നഷ്ടത്തിനു സാദ്ധ്യത.സംസാരം മുഖേന ശത്രുക്കൾ കൂടും.കള്ളകേസുകളിൽപെടാൻ സാധ്യതയുണ്ട്.