ബീയ്ജിംഗ് : കൊവിഡ് വൈറസിന്റെ ഒമിക്രോൺ വകഭേദം വന്നത് എലികളിൽ നിന്നാകാമെന്ന് ചൈനീസ് ഗവേഷകർ. ഒമിക്രോൺ വേരിയന്റിന്റെ അഞ്ച് മ്യൂട്ടേഷനുകൾ എലിയുടെ ശ്വാസകോശ സാമ്പിളുകളിൽ കണ്ടെത്തിയതാണ് ഗവേഷകരുടെ വാദം. വൈറസ് മനുഷ്യരിൽ നിന്ന് എലികളിലേക്ക് പകരുകയും പിന്നീട് അത് ഒന്നിലധികം വകഭേദങ്ങൾക്ക് വിധേയമാകുകയും ചെയ്തുവെന്ന് പഠന റിപ്പോർട്ടിൽ പറയുന്നു. ഇതിന് ശക്തമായ തെളിവുകളുണ്ടെന്നും അവർ അവകാശപ്പെട്ടു.ഒമിക്രോണിന്റെ ഉത്ഭവം അജ്ഞാതമായി തുടരുന്നുവെന്നും ഇതിൽ 50 ലധികം മ്യൂട്ടേഷനുകൾ അടങ്ങിയിരിക്കുന്നുവെന്നുമാണ് ഗവേഷകരുടെ അവകാശ വാദം. ടിയാൻജിനിലെ നങ്കായ് സർവകലാശാലയിലെയും നാഷണൽ ഇൻസ്റ്റിറ്റ്യൂട്ട് ഫോർ കമ്യൂണിക്കബിൾ ഡിസീസ് കൺട്രോൾ ആൻഡ് പ്രിവൻഷനിലെയും ഗവേഷകർ നടത്തിയ പഠനം ബയോസേഫ്റ്റി ആൻഡ് ബയോസെക്യൂരിറ്റി ജേണലിൽ പ്രസിദ്ധീകരിച്ചിട്ടുണ്ട്